Andreas Dei gracia Rex Hungarie vniuersis Christi fidelibus presentes litteras inspecturis salutem et omne bonum. Cum Regie intersit Maiestatis de statu omnium Ecclesiarum in ambitu sui Regni existencium diligenti sollicitudine uigillare; precipue de earum cura ac prouisione debet esse sollicitus et attentus, que ad ejus solius personam nullo medio pertinere dinoscuntur, et quicquid de earum statu arbitrorum sentencia racione previa ordinat et diffinit, ne processu temporis aliquo casu emergente possit infirmari, auctoritatis sue munimine inconcussam eis debet tribuere firmitatem. Eapropter presentis etatis et future posteritatis noticie volumus elucescere, quod cum inter Vriam Abbatem Sancti Martini de Sacro Monte Pannonie ex una parte, et jobagiones ac populos eiusdem Ecclesie ex altera, discordia fuisset exorta; utrisque partibus pro suo grauamine nobis instanter conquerentibus, ut iusticia et ueritas nobis pateret per effectum, uiro sancte conuersacionis, Magistro Enoch, fratri uidelicet Ordinis Predicatorum a nobis, et Magistro Cognoscenti Canonico Strigoniensi, Capellano domini Jacobi Prenestini Electi, tunc temporis Regni nostri Legati ex parte ipsius, inquisitoribus super premissis constitutis, prout in ipsis tam ex parte Abbatis, quam jobagionum et populorum suorum tamquam in arbitros et compositores extitit compromissum, arbitrium ipsorum iustum et honestum approbantes, ac per omnia commendantes, sicut in litteris eorundem diligenter perlectis contineri inspeximus, auctoritate Regia duximus confirmandum. Quarum tenor talis est:

Cum Patre stb. (mint alább 340. sz. a.)

Nos igitur tam ad peticionem Abbatis supradicti, quam jobagionum et populorum suorum instanciam, hanc nostre confirmacionis paginam dupplicis sigilli nostri munimine fecimus commniri. Datum ab Incarnacione Domini anno millesimo ducentesimo XXX° III° Regni autem nostri anno XXXI°.

(Eredetie bőrhártyán, a pannonhalmi főapátság levéltárában.)