Wladislaus stb. (a csornai konventhez.) Noveritis, quod Nicolaus de Zelesthew pro venerabili et religioso fratre Valentino Abbate Ecclesie de Borsmonostra, in quem per mortera condam fratris Johannis Abbatis eiusdem Ecclesie de Borsmonostra presens causa est condescensa, et Conuentu loci eiusdem, cum procuratoriis litteris eorundem, iuxta continenciam Serenissimi Principis condam domini Mathie Regis predecessoris nostri immediati, et tandem ipso de hac vita decedente nostrarum litterarum prorogatoriarum, et Capituli Ecclesie Castri Ferrei euocatoriarum et insinuatoriarum, in presentibus octauis festi Beati Michaelis Archangeli (1498.) in figura judicij nostre Personalis Presencie comparendo, contra Egregium Anthonium de Pook stb. volens, predium Zaka ad predictum Monasterium Beate Virginis vigore litterarum metalium condam domini Andree Regis legittime pertinere debere, comprobare; exhibuit nobis quasdam litteras eiusdem domini Andree Regis confirmationales, habentes in se diuersarum litterarum condam Comitis Bors filij olim Dominici Comitis donacionalium continenciam, quibus mediantibus ijdem predictum Monasterium Beate Marie Virginis de Borsmonostra dotasse agnoscerentur sub suis veris - - - - - metarum distinccionibus et remonstracionibus anno ab Incarnacione Domini millesimo ducentesimo vigesimo quinto emanatas sub sigillo impendenti in rotundo consignatas; in quarum tenoribus inter alia predia (quoad) metas predii Zaka in vna earundem litterarum donacionalium hec verba vidimus contineri: Quod eciam tria predia sibi coniacencia, quarum nomina sunt hec, Wkas, Zaka et Boran, dicte Ecclesie prebuissent, metis infrascriptis circumdata, quarum metarum prima incipit versus aquilonem a zylffa iuxta riuulurn super viam, que venit de Sopron; iude paululum vadit per ipsam viam versus meridiem ad viara tendentem in Wud; deinde viam ipsam non deserens versus orientem per plures metas pergit ad terminos Wud; inde vadit ad magnam metam sub meridie, vbi termini sunt Syra et Ambus; postea tendit ad tres metas, vbi incipit terra Zakan iuxta quandam viam, per quam properat ad tres metas, et ab hys per aliam viam versus occidentem perdit (így) ad metam iuxta terram Gerolt; inde versus aquilonem per plures metas vadit ad monticulum; deinde descendit versus occidentem ad metam, que iacet iuxta viam tendentem in Gerolt; inde per plures metas reuertitur versus aquilonem per eandem viam ad duas metas, et ab istis versus occidentem descendit ad viam iuxta terminos terre Nygwan; inde denuo per ipsam viam versus aquilonem festinat ad angulum quendam, vbi est meta, quam relinquens tendit per viam euntem Baran ad magnam metam; ab isto vero semper rotundo cursu sub occidentem descendit per plures metas ad riuulum, vbi sunt termini Margiud et Zoboth Baran; post hec ipsum riuulum transiens ascendit ad metas iuxta viam, vbi termini sunt ex altera parte Zoboth Baran et Conradj; inde per dictam viam curreus properat ad metas sub via Salomonis sitas; et ab istis per plures metas pergit ad angulum, in quo mete iacent; quem relinquens descendit versus meridiem in riuulum, ipsumque semper descendendo reuertitur ad zylffa, vnde processerat. Infra metas istas nullus alienus aliquid possidet, preter filios Bwcze, qui terram cultam et incultam tantummodo possident ad vnum aratrum, cetera omnia sunt Ecclesie. Quibus presentatis stb.

(A budai k. kamarai levéltárban őrzött eredeti itéletlevélből.)