Innocentius Episcopus servus servorum Dei dilectis filiis Capitulo Strigoniensi salutem et Apostolicam benedictionem. Venerabilis frater noster Vesprimiensis Episcopus in nostra proposuit praesentia constitutus, quod cum de pace perpetuo statuenda inter Strigoniensem et Colocensem Ecclesias diu fuerit vobis mediantibus tractatum, tandem venerabilis frater noster Strigoniensis Archiepiscopus de consensu et voluntate Suffraganeorum Strigoniensis Ecclesiae, videlicet Agriensis, Georiensis, et praefati Vesprumiensis Episcoporum ex parte una, et dilentus filius Colocensis Electus de voluntate suffraganeorum Colocensis Ecelesie, Waradiensis videlicet, Cenadiensis, et Ultrasilvani Episcoporum ex altera, in certam formam concordiae devenerint, quam per praefatos Georiensem et Vesprumiensem Episcopos redigi mandaverunt in scriptis; cum illam in scriptis redactam in medium produxissent, et super ea fuisset diutius disputatum, tandem ita correcta exstitit et conscripta, quod eam pars approbavit utraque, et tam Strigoniensis Archiepiscopus, quam Colocensis Electus cum Ecclesiarum suarum suffraganeis ad sancta Dei Evangelia juraverunt, quod formam pacis, quae continebatur in illo scripto posito coram eis, firmiter observarent, et laborarent ad hoc nihilominus bona fide, ut nos compositionem confirmaremus eamdem. P. quoque Quinque-Ecclesiensis Praepositus, ab Episcopo suo missus pro eo, et Benedictus Praepositus Sancti Thomae, nec non et Jacobus Scholasticus Strigoniensis pro vobis, a quibus sub debito juramenti se assevuerunt habere mandatum, et Hubaldus Posoniensis Praepositus juraverunt etiam illud idem. Pro Colocensi vero Ecclesia Jacobus Colocensis, et Hosmundus Sancti Laurentii Praepositi praestiterunt consimile juramentum. Unde praefatus Episcopus ex parte dilecti filii nostri A. illustris Regis Hungarorum nobis humiliter supplicavit, ut compositionem eamdem, quam sigillorum praedictorum Electi et Waradiensis, Cenadiensis, Ultrasilvani, Agriensis, et ipsius Vesprumiensis Episcoporum, nec non Capitulorum Colocensis et Bachieusis nobis exhibuit munimine roboratum, auctoritate dignaremur Apostolica confirmare; cujus tenor talis est:
In nomine Patris stb. (rnint Fejérnél Cod. Dipl. III. köt. 1. r. 131. l.)
Cumque super his cum fratribus nostris deliberare vellemus, dilecti filii Jacobus Scholasticus et Nicolaus Canonicus praefati Archiepiscopi nuntii, et M. Thesaurarius, et Jo. Archidiaconus Strigonienses, procuratores vestri petierunt a nobis audientiam sibi dari. Qua ipsis de more concessa, nuntii proposuere praedicti, quod inter praefatos Archiepiscopum et Colocensem Electum et eorum Suffraganeos talis compositio intervenit, ut prima coronatio Regum Hungariae, ubicunque in ipso Regno eos primum contingeret coronari, sulius Strigoniensis Ecclesiae juris esset, et monetae, ubicunque cuderentur in Regno, vel illius quod loco colligeretur monetae, decima ad eamdem Ecclesiam pertineret; ac dilectus in Christo filius A. illustris Rex, et charissima in Christo filia... Hungarorum Regina per suas a nobis litteras peterent, quatenus primam sedem primamque vocem cum juribus supradictis, quae dictus Rex et dicta Regina, nec non et pars Colocensis publice praefatae Strigoniensi recognoverunt Ecelesiae, ipsi perpetui dignaremur privilegii munimine roborare; super aliis vero, de quibus inter eos esse videbatur contentio, propter bonum pacis sie exstitit ordinatum, ut nec Colocensis in Strigoniensi provincia, nec Strigoniensis in Colocensi praeter praedicta sibi juris aliquid vindicaret, auctoritate in omnibus Apostolicae Sedis salva; ita quod si haec non approbarentur a nobis, res in eo statu, in quo tunc fuerat remaneret. Unde quidquid sit scriptum, vel juratum esse dicatur, boc actum et intellectum esse a partibus asserebant, et illud ex parte Archiepiscopi confirmari a nobis suppliciter postulabant, asserentes sic actum et intellectum fuisse, idem Archiepiscopus et praefati Agriensis et Geuriensis Episcopi suis litteris declararant. Procuratores vero vestri proposuere constanter, quod tam illa compositio, quam redactam in scriptis praefatus Episcopus nobis exhibuit, quam illa in quam praefati nuntii dixerunt Archiepiscopum consensisse, inita fuerat sine assensu vestro, et in enorme dispendium Strigoniensis Ecclesiae redundabat. Unde contradicentes utrique, nobis humiliter supplicarunt, ut auctoritate Apostolica cassaremus utramqe. Nos igitur attendentes, quod dictus Rex olim nobis multa precum instantia supplicaverat, ut super jure coronandi Reges Hungariae Strigoniensi Ecclesiae privilegium concedere dignaremur, nosque eius precibus inclinati, ei super hoc privilegium concesserimus fratrum nostrorum subscriptionibus roboratum, considerantes etiam, quod si potestas coronandi Regis Hungariae penes diversas Ecclesias resideret, toti Regno grave periculum, et haeredibus dicti Regis grande posset dispendium generare, cum frequenter inter Regum Hungariae cohaeredes super optinenda Regni corona scandalum sit exortum, quod utique posset facilius suboriri, si eos diversos coronatores contingeret invenire, propter contradictiones et rationes praescriptas compositionem huiusmodi non potuimus, sicut nec debuimus, confirmare.
Datum Laterani II. Idus Februarii, Pontificatus nostri anno quarto decimo.
In eumdem fere modum spriptum est Strigoniensi Archiepiscopo: Venerabilis frater noster Vesprumiensis Episcopus in nostra proposuit presentia constitutus, quod cum de pace, etc. usque nec debuimus confirmare.
(Migne u. o. III. köt. 518. l.)