Omnibus in Christo pie conuersantibus Misca de Faiz filius Lucij cum suis fratribus Teodoro, L. et Christoforo salutem in eo, qui est uerax in promissis et sanctus in omnibus operibus suis. Quicquid a mortalibus iuris ordine disponitur, litterarum monimentis non inmerito demandatur, ne instabilitate temporum trahatur in precipicium. Notum sit tam presentibus quam futuris, quod Andrea Rege Gloriosissimo Bele Regis filio regnante, Johanne Archiepiscopo Strigoniensem kathedram feliciter obtinente, Kalenda Vesprimiensi Episcopo existente, Cempone Preposituram Vesprimiensem pie et fideliter gubernante, Cepano Palatino Comite tocius Regni negocia pio animi studio pertractante; vxor Marc eo facto, de medio terram de Vamus se contingentem, pro remedio sui animi (így) et mariti Ecclesie Sancti Aniani vniuersaliter condonauit. Verumtamen cum Abbas Ecclesie de Tycon nomine Vros, et Comes nomine Teodorus filius Balduyn, conaensu monachorum ad peragrandam terrani - - - - conuenissent, et uidissent terram Ecclesie ex nouo collatam non satis amplam, Misce et eius fratribus in septem marcis consciencia Prepositi C(emponis), Cantoris Michaelis, Custodis Nicolaj, Decani Petri, et ceterorum omnivm Vesprimiensium Canonicorum puplice exposuerunt uendicioni, ut alia Ecclesie fragmenta ex commercio terre reintegrarent. Est enim inibi terra tota sufficiens ad duo aratra et dimidium, locus competens piscine, arbores fructifere sunt uberrime. Vt autem huius cause tenor in perpetuum permaneret inmobiliter, Ego N. Notarius presenti paginule per alphabetum secate asscribire curaui. Anno ab Incarnacione Domini M° CC° VII° in mense Augusto in festo Sancti Laurencij scriptus est iste cyrographus.

A B C D

(Eredetie bőrhártyán, melyről bőrzsinegen függ a pecsét, a főmélt. herczeg Batthyáni családnak levéltárában.)