In nomine Patris et Filii et Spiritus Sancti Amen. Haec sunt capitula pacis compositae et componendae et firmandae inter Bonum Baronem Potestatem Anconae, et Girardum Judicem pro Communi Anconae ex una parte; et Kalendum nuncium Ragusiae pro Communi ejusdem civitatis ex altera. Imprimis jurabunt pacem firmam tenere; et non removere; et jurabunt Anconitam Ragusinos, et res eorum, in Ancona et in tota eorum fortia, salvare et defendere bona fide et sino fraude. Ragusini hoc idem jurabunt observare et facere. Et si quis Anconitanus offenderet aliquem Ragusianum, non debent Ragusiani aliquem Anconitanorum impedire vel offendere; sed debeat ille, cui fiet facta offensio, venire in hac civitate; et illi, qui pro tempore habebunt regimen hujus civitatis, debeant ei facere fieri rationem intra XXX dies, nisi remanserit parabola actoris. Hoc idem Ragusiani debeant facere et observare ex corum parte. Et si quid placuerit consensu partium addi vel diminui, de additione teneantur, et de diminutione sint absoluti. Et haec omnia in perpetuum debent ab utraque parte observari.
Et haec omnia jurabunt observare bona fide sine fraude, et hoc sacramentum debent facere CC boni homines sine fraude ex una parte, et CC ex altera; et si quid debent ex hac parte vel exilla, homines, quibus debent, valeant debitum recipere, secundum supradictum modum. Facta sunt haec in civitate Ancona anno M°C°XCVIIII°. Indictione IIa., VIII. kalendas Septembris.
Hoc sacramentum juraverunt Filippus Petri Berej, Dominicus Stephani Dominici, Vitalis Palea. In praesendia Marsilii Bocca, Zupi Bertini, Cacan Vrachae, Johannis Albici, Nicolai Paleae, Nicolai Albici, Tragoli Tancredi, Johannis Benedicti, et aliorum multorum in consilio morantium.
Ego Jacobinus Notarius pro Communi civitatis Anconae ex consensu praedictorum hoc totum, quod supra legitur, in publicam furmam redegi, et hic ideo subscripsi.
(XIII. századi másolatból, mely a bécsi cs. k. udv. levéltárban őriztetik.)