Alexander Episcopus servus servorum Dei venerabili fratri Gradensi Patriarchae salutem et Apostolicam benedictionem. Cum defuncto Jadrensi Archiepiscopo clerus loci in terra non possit electionem concorditer facere; quosdam de clericis et laicis suis ad nostram praesentiam destiuarunt, plenam eis potestatem praebentes eligendi Archiepiscopum, vel recipiendi quem eis Apostolica Sedes decerneret providendum. Qui siquidem venerabilem fratrem nostrum Egubiensem Episcopum, virum religiosum, et honestum in Archiepiscopum suum pariter elegerunt, et nos electionem ipsius confirmantes, ipsum eis concessimus in pastorem. Unde quod idem Archiepiscopus de manu tua consecrationis munus, sicut Ecclesiae tuae privilegium continet, non accepit, cum ipse Pontificali officio praedictus consecratione tua, vel nostra nequaquam egerit, statuimus quod nec tibi, nec Ecclesiae tuae debeat in posterum praejudicium generari, sed prout in eodem privilegio continetur, tibi, tuisque successoribus Jadrenses Archiepiscopi tam consecratio, quam confirmatio reservetur. Datum Laterani XVIII. Calendas Julii.

(A „Liber Pactorum” czímű államkönyv I. köt. 63. lev.)