Adrianus Episcopus servus servorum Dei venerabili fratri Tribuno Ragusino Archiepiscopo eiusque successoribus canonice substituendis in perpetuum. In Apostolicae Sedis specula Domino disponente constituti, fratres nostros Episcopos fraterna debemus charitate diligere, et eorum quieti ac tranquillitati salubriter auxiliante Domino providere. Eapropter, venerabilis in Christo frater Tribune Archiepiscope, tuis iustis postulationibus gratum impertientes assensum, et praedecessorum nostrorum felicis memoriae Paparum Innocentii atque Anastasii vestigiis inhaererites, praefatam Ecclesiam, cui Deo auctore praeesse dignosceris, sub Beati Petri et nostra protectione suscipimus, et praesentis scripti privilegio communimus, Confirmamus tibi tuisque successoribus, et illibatas omni tempore permanere decernimus omnes Parochias ad jus commissae tibi Ecclesiae pertinentes; scilicet Regnum Zachulmiae, Regnum Serviliae (Serviae), ac Regnum Tribuniae, civitatem quoque Catherinensem seu Rosae, Buduanensem, Avarorum, Ulcinatensemsive Olchiniensem, Liciniatensem, Scodrinensem, Drivastinensem et Polatensem, cum Abbatiis, Ecclesiis et Parochiis suis. Praeterea etc. Si qua igitur in futurum Ecclesia, saecularisve persona hanc nostrae constitutionis paginam sciens contra eam temere venire tentaverit, secundo, terciove commonita, si non satisfactione congrua emendaverit, potestatis honorisque sui dignitate careat, reamque se Divino iudicio existere de perpetrata iniquitate cognoscat etc. Cunctis autem eidem luco sua iura servantibus sit pax Domini nostri Jesu Christi quatenus etc.

Ego Adrianus Catholicae Ecclesiae Episcopus SS. Ego Hubaldus etc.

Datum Sutrii per manus Rolandi Sanctae Romanae Ecclesiae Presbyteri Cardinalis et Cancellarii IIII. Nonas Julii, Indictione VII., anno MCLVIII., Pontificatus vero Adriani Papae IIII anno IIII.

(Farlati Illyricum Sacrum IV. köt. 79. l.)