Notum sit omnibus hominibus, tam modernis, Diuine legi subditis, quam eciam posteris corum imitantibus deuocionem; quod ego Stephanus, filius Adriani, herede carens carnali, post obitum Eusidini fratris mei, et filiorum suorum, piissimi Regis Geysse clemenciam per Gabrielem Comitem rogaui, quatenus sua clemencia permittente de meis possessionibus, de iure patrimonij habitis, secundum meum placitum disponerem. Quo annuente, monasterio Sancti Benedicti de Grana duas possessiones dedi, unam Bratka, vbi ecclesia Sancti Martini sita est, cum omnibus pertinencijs suis, et octo mansiouibus libertinorum cum familijs suis, et terram ad quinque aratra cum fenetis et terra sacerdotis, ac pulsatorum, cum proprijs terminis; item aliam possessionem Zanto in vicinato adiacentera cum LXXII mansionibus hospitum, et terram ad XL aratra, cum fenetis et alijs pertinencijs suis, et locum molendini, super fluuium Cumpa, qui transit ipsas possessiones. Huius autem rei disposicio, ut stabilis permaneat, nobilissimus Rex Geyssa, presencia nobilium suorum, scilicet Apa Bani Folcus Comitis, Wolfer Comitis. Ders Comitis, per notarium Barnabam hanc cartam stabiliri, et per Nicolaum Capelle sue Comitem sigillo suo precepit sigillari. Siquis vero hoc testamentum infiringere temptauerit, a Deo patre anathematizetur, et Regalem incurrat iram.

(Knauz Nándor, Magyar Sion II. köt. 34. l.)