Elisabeth Dei gracia major Regina Hungarie, Ducissa de Macho et Bosna, omnibus Christi fidelibus presens scriptum inspecturis salutem in omnium Salvatore. Ad vniuersorum presencium futurorumque noticiam harum serie volumus pervenire, quod Johannes filius Comitis Geubulini de Leuche ad nostram accedens presenciam, exhibuit nobis privilegium domini Bele Regis Illustris soceri nostri felicis recordacionis, petens, vt ipsum privilegium ratificare, et ratificatum nostro dignaremur privilegio confirmare. Cuius tenor talis est: Bela Dei gracia Hungarie, Dalmacie stb. Rex stb. (következik IV. Béla király 1263-ki privilegiuma, mely olvasható Okmánytárunk III. kötetében 39. l.)

Nos igitur peticionibus ipsius Johannis iustis et condignis favorabiliter inclinata, privilegium soceri nostri predicti non cancellatum, non abrasum, non in aliqua sui parte viciatum, de verbo ad verbum presentibus inseri facientes, auctoritate presencium duximus confirmandum, duplicis sigilli nostri munimine roborando. Datum per manus venerabilis et discreti viri magistri Luce, Strigoniensis Ecclesie Prepositi, aule nostre Cancellarii, fidelis nostri, anno ab Incarnacione Domini Mş CCş octuagesimo.

(Czech kézirataiból. V. ö. Fejért Cod. Dipl. V. k. 3. r. 38. l.)