Nicolaus Episcopus seruus seruorum Dei, venerabili fratri Philippo Episcopo Firmano Apostolice Sedis Legato salutem et Apostolicam benedictionem. Cum te ad Ungarie, Polonie, Dalmatie, Croatie, Rame, Servie, Lodomerie, Galitie et Cumanie partes, tibi commisso inibi plene legationis officio pro arduis negotiis destinemus: no volentas tuam honorare personam et per honorem tibi exhibitum aliis gratiam impertiri, providendi auctoritate nostra per te vel per alium seu alios centum personis ydones scientia, vita, moribus et etate, in ecclesiis tue legationis Cathedralibus et aliis de beneficiis ecclesiasticis, prebendis, personatibus et dignitatibus, cum cura et sine cura, si vacant ibidem ad presens, vel quamprimum ad id obtulerit se facultas, et faciendi personas ipsas in ecclesiis, in quibus eis provisum extiterit, si collegiate fuerint, in canonicos seu clericos recipi et in fratres, necnon et contradictores per censuram ecclesiasticam appellatione postposita compescendi, non obstante statuto ecclesiarum ipsarum de certo Canonicorum seu clericorum numero, iuramento, confirmatione Sedis Apostolice, seu quacumque alia firmitate vallato, aut si direximus in eisdem ecclesiis pro aliis scripta nostra, quibus nullum volumus per hoc preiudicium generari, seu si est aliquibus ab eadem sede indultum, quod ad receptionem vel provisionem alicuius minime teneantur, quodque ad id compelli, sen quod interdici, suspendi vel excommunicari non possint, et quod de beneficiis, prebendis, personatibus vel dignitatibus ad eorum collationem sive presentationem spectantibus nulli valeat provideri per litteras apostolicas, que de indulto huiusmodi plenam et expressam non fecerint mentionem, sive qualibet alia dicte sedis indulgentia, de qua cuiusque teto tenore de verbo ad verbum 156oporteat in nostris litteris plenam et expressam mentionem fieri, et per quam effectus huiusmodi alias beneficate existant, fraternitati tue liberam auctoritate presentium concedimus facultatem. Datum Viterbi X. Kalendas Octobris, Pontificatus nostri anno primo.
(III. Miklós pápa Regestáiból, Theiner id. m. 1. k. 334. l.)