Nos Ladislaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentes litteras inspecturis salutem in omnium Saluatore. Ad uniuersorum noticiam tam presencium quam futurorum harum serie litterarum volumus peruenire, quod cum versus castrum filiorum Henrici Küzegh vocatum accessissemus, habito colloquio cum Rudolpho Rege Romanorum, et in villa Kedhel descensum cum exercitu nostro fecissemus, Abbas et fratres Ecclesie Beate Marie Virginis Gloriose de Monte ipsius ville Kedhel, ad nostram accedentes presenciam supplicando retulerunt, quod dominus Andreas Rex proauus noster, et dominus Bela Rex felicis recordacionis, auus noster charissimus, quandam terram Castri Soproniensis Sydan vocatam Ecclesie Virginis Gloriose contulissent; conquerentes, quod dimidietatem ipsius terre Sydan Comites Parochiales de Sopronio pro tempore constituti contra formam privilegii progenitorum nostrorum nobis exhibitorum potencialiter occupatam tenuissent, petentes cum instancia, ut collaciones progenitorum nostrorum ob amorem Diuini Nominis factas in totali terra Sydan ratificare et priuilegium eorundem progenito rum nostrorum nostro dignare 78mur privilegio confirmare. Cuius quidem priuilegii domini Bele Regis avi nostri tenor talis est:
Bela Dei gracia stb. (következik IV. Béla király adománylevele, mely olvasható Okmánnytárunk I. kötetében 188. sz. a. 308. l.)
Nos igitur, quem dignitatis nostre vocabulum inducit animorum (?) equitas suadet benignitas, non solum iura ecclesiastica custodire et tueri, verura et Ecclesias ditare et dotare, peticionibus Abbatis et fratrum Ecclesie Virginis Gloriose assensum fauorabilem adhibentes, collacionem progenitorum nostrorum approbantes, totam terram Sydan sub eisdem metis et terminis, prout in privilegio domini Bele Regis avi nostri nostro presenti privilegio inserto contineretur, tam racione collacionis progenitorum nostrorum, quam racione damnorum per descensum et exercitum nostrum ville Monasterii Beate Virginis Kedhel vocate illatorum, duximus ipsi Ecclesie confirmandam, et eciam de Regali nostra munificencia conferendam, dictum privilegium avi nostri charissimi habentes ratum et acceptum non cancellatum, non abrasum in sigillo nostro (?) non confractum, non diminutum, nec in aliqua sui parte viciatum de verbo ad verbum presentibus inseri fecimus et presentis scripti patrocinio communiri, silencium de cetero Comitibus Soproniensibus pro tempore constitutis et officialibus eorundem, ac castrensibus eiusdem Castri super inquisicione et repeticione totalis terre Sydan perpetuum imponentes. In cuius rei memoriam perpetuamque firmitatem presentes concessimus litteras duplicis sigilli nostri munimine roboratas. Datum per manus discreti viri magistri Thome Prepositi Electi Albensis aule nostre Vice-Cancellarii dilecti et fidelis nostri anno Domini millesimo ducentesimo septuagesimo septimo, Regni autem nostri anno sexto, quinto Calendas Decembris.
(Hevenesi kéziratai közt LIX köt 426. l.)