Stephanus miseratione Divina Penestrinus Episcopus dilecto sibi in Christo Giroldo de Owad (Óvár) Clerico Jauriensis Diocesis, nepoti venerabilis patris ... Episcopi Zagrabiensis, salutem in Domino. Noveris nos recepisse litteras Apostolicas sub hac forma:
Urbanus Episcopus seruus seruorum Dei, venerabili fratri ... Episcopo Penestrino salutem et Apostolicam benedictionem. Tuam volentes honorare personam et per honorem tibi exhibitum aliis providere, conferendi per te, vel per alium aut alios personis idoneis beneficia ecclesiastica, personatus et dignitates cum cura et sine cura, que dilectus filius Tymotheus Zagrabiensis Electus promotionis sue tempore in Ungaria obtinebat, ac faciendi personas ipsas ad beneficia huiusmodi, si in Ecclesiis collegiatis fuerint, recipi in Canonicos et in fratres, nec non contradictores etc. compelli; non obstante certo Ecclesiarum ipsarum Canonicorum numero iuramento, confirmatione Sedis Apostolice sive quacunque firmitate vallato, aut si direximus in ea pro aliis acripta nostra, seu si Sedis eiusdem vel Legatorum ipsius aut quacunque auctoritate in eis in canonicos aliqui sint recepti, vel ut recipiantur, insistant, quibus per hoc quoad assecutionem aliorum beneficiorum, personatuum, vel dignitatum preiudicium nullum fiat, aut si est aliquibus ab eadem Sede indultum, quod ad receptionem vel provisionem alicuius minime teneantur et ad id compelli, quodque interdici, suspendi, vel excommunicari non possint, et quod de beneficiis, personatibus vel dignitatibus ad collationem eorum spectantibus nulli valeat provideri per litteras apostolicas, que de indulto huiusmodi plenam et expressam non fecerint mentionem, seu qualibet alia indulgentia diete Sedis, de qua cuinsque toto tenore de verbo ad verbum oporteat in nostris litteris plenam et expressam mentionem fieri, et per quam effectus presentium impediri valeat vel differri, aut quod eedem persone alias beneficiate existant; fraternitati tue liberam concedimus auctoritate presentium facultatem. Datum apud Urbem Veterem VII. Kal. Octobris (Pontificatus nostri) anno tertio.
Harum igitur litterarum auctoritate Capellas Sancti Laurentii de Villa Files, Sancti Demetrii de Boron, Omnium sanctorum de Nigwan et Sancti Martini de minore Mortin, quas venerabilis pater Timotheus Zagabriensis Episcopus promotionis sue tempore in Jauriensi Diocesi obtinebat, vacantes per promotionem ipsius Episcopi tibi conferimus, et providemus de ipsis cum omnibus iuribus et pertinentiis suis, teque de ipsis per nostrum aunulum presentialiter investimus; non obstante certo ipsius Ecclesie canonicorum numero iuramento, confirmatione Sedis Apostolice sive quacunque firmitate vallato, aut si dominus Papa in ea pro aliis direxerit scripta sua, vel si Sedis Apostolice vel Legatorum ipsius aut quacunque auctoritate in ea. in canonicos aliqui sint recepti, vel ut recipiantur, insistant, quibus per hoc quoad assecutionem aliorum bencficiorum, personatuum, vel dignitatum preiudicium nulium fiat, aut si est aliquibus ab eadem Sede indultum, quod ad receptionem vel provisionem alicuius minime teneantur, et ad id compelli, quodque interdici, suspendi vel excommunicari non possint, et quod de beneficiis, personatibus ad eorum collationem spectantibus nulli valeat provideri per litteras apostolicas, que de indulto huiusmodi plenam et expressam non fecerint mentionem, seu qualibet alia indulgentia dicte Sedis, de qua cuiusque toto tenore de verbo ad verbum oporteat in nostris litteris plenam et expressam mentionem fieri, et per quam effectus presentium impediri valeat vel differi; decernentes etiam auctoritate predicta irritum et inane, si secus de huiusmodi Capellis quavis auctoritate contigerit per aliquem attemptari. Actum apud Urbem Veterem in canonica nostra anno nativitatis Domini MCCLXIII. mense Januario die octava intrante, presentibus Benedicto, Guidone Bono, et Jacobino familiaribus nostris et pluribus aliis ad hoc vocatis et rogatis testibus.
In cuius rei testimonium presens publicum instrumentum per Thomasinum infrascriptum notarium nostrum scribi et publicari mandavimus, et nostri sigilli appensione muniri. Et ego de Podio auctoritate Apostolice Sedis Judex et Notarius publicus, qui predictis interfui, de mandato predicti domini Cardinalis predicta scripsi et publicavi, et signo meo signavi.
(IV. Orbán pápa megerősítő okmányából, mint fenebb 61. sz. a.)