Urbanus Episcopus etc. dilecto filio Timotheo Electo Zagrabiensi salutem etc. Rationis oculis intuentes commoda, que vacantibus Ecclesiis de salubri provisione proveniunt, 45reddimur corde solliciti, ut circa provisionem huiusmodi faciendam fructuose attentionis studium habeatur. Sane Zagrabiensi Ecclesia Episcopi solacio destituta, dilectus filius Prepositus et Capitulum ipsius Ecclesie convenientes in unum, Spiritus Sancti gratia invocata, dilectum filium Stephanum Capellanum nostrum, nepotem venerabilis fratris nostri ... Episcopi Penestrini, Prepositum Ecclesie Pozoniensis, patientem in etate defectum, in Zagrabiensem Episcopum unanimiter et concorditer postularunt. Nos autem presentata nobis postulatione huiusmodi, provisionem et ordinationem eiusdem Zagrabriensis Ecclesie dicto Episcopo Penestrino duximus committendas. Et licet in eodem Stephano imperfectum etatis suppleret generis et morum nobilitas, matura discretio et scientia litteralis; tamen predictus Episcopus, nolens ad carnem et sanguinem habere respectum, de te, tunc Subdiacono et Capellano nostro, Archidiacono de Zala in Ecclesia Vesprimiensi et Canonico Zagrabiensi, predicte Zagrabiensi Ecclesie, auctoritate sibi a nobis in hac parte comissa, providit. Nos itaque de tua providentia et circumspectione plenam in Domino fiduciam obtinentes, huiusmodi provisionem, quam eidem Zagrabiensi Ecclesie cognovimus expedire, ratam et gratam habuimus, et eam auctoritate Apostolica duximus confirmandam, ac nihilominus te de fratrum nostrorum consilio et Apostolice plenitudine potestatis prefate Zagrabriensi Ecclesie prefecimus in Episcopum et pastorem, firma concepta fiducia, quod eidem Zagabriensi Ecclesie per tuum ministerium prosperitatis et honoris, Deo propitio, desiderata proveniant incrementa. Quocirca discretionem tuam rogamus et hortamur attente, mandantes, quatenus humiliter suscipiens impositum a Domino tibi onus, predicte Zagabriensis Ecclesie sollicitam curam geras, gregem dominicum in illa tibi commissum, doctrina verbi et operis informando; ita quod predicta Ecclesia tue diligentie studio spiritualibus et temporalibus, auctore Domino, proficiat incrementis. Datum apud Urbem Veterem VIII. Kal. Octobris (Pontificatus nostri) anno tertio.
In e. m.... Preposito et Capitulo Zagabriensi. Rationis oculis etc. ut in alia, verbis competenter mutatis, usque providit. Nos itaque attendentes, quod eidem Magistro Timotheo, quem nos et fratres nostri propter sue multiplicis evidentiam probitatis carum habemus plurimum et acceptum, clara morum et vite ac scientie merita suffragantur, et perhibetur testimonium, quod in spiritualibus et temporalibus sit laudabiliter circumspectus, huiusmodi provisione etc. usque incrementa. Rogamus itaque universitatem vestram et hortamur attente, mandantes, quatenus eundem Electum admittentes ylariter et honorifice pertractantes, sibi tamquam patri et pastori animarum vestrarum impendatis obedientiam et reverentiam debitam, ac eius salubribus mandatis et monitis efficaciter intendatis; ita quod ipse in vobis devotionis filios, ac vos consequenter in eo patrem invenisse benivolum gaudeatis. Alioquin sentenciam etc. Datum apud UrbemVeterum X. Kal. Octobris (Pontificatus nostri) anno tertio.
In e. m. Clero Zagrabriensis Civitatis et Diocesis. Rationis oculis etc. ut in secunda usque in finem. Datum ut supra.
In e. m. populo Zagrabriensis Civitatis et Diocesis. Rationis oculis etc. usque mandantes, quatenus eundem Electum tamquam patrem et pastorem animarum vestrarum admittentes ylarher etc. usque gaudeatis. Datum ut supra.
In e. m. Vasallis Ecclesie Zagrabriensis. Rationis oculis etc. usque mandantes, quatenus vos universi et singuli eidem Electo, vel procuratoribus suis eius nomine in hiis, in quibus tenemini intendere; ac de suis iuribus integre respondere curetis; ita quod vos predictum Electum vobis proinde constituatis favorabilem et benignum, nosque devocionem vestram possimus merito commendare. Alioquin sentenciam etc. Datum apud UrbemVeterum VIII. Kal. Octobris. (Pontificatus nostri) anno tertio.
(IV. Orbán pápa Regestaiból, Theiner id. m. l. k. 245. l.)