Nos Stephanus Dei gracia Rex primogenitus Illustris Regis Vngarie et Dux Stirie tenore presencium significamus uniuersis: Quod nos consideratis fidelatium meritis et seruiciorum Eburhardi fidelis ciuis nostri de Marpurg, que Domino Regi karissimo patri nostro et nobis studuit inuiolabiliter oberuare, nos in recompensacionem seruiciorum eiusdem, qui licet plura mereatur, in villa Wolcium decem mansus, in villa Chost quatuor mansus et dimidium, et in villa Wdol duos mansus cum pertinenciis eorumdem sibi in feudum et in perpetuum contulimus pleno iure et in filios filiorum. Et vt huiusmodi nostre donacionis series robur optineat perpetue firmitatis, presentes nostras litteras eidem contulimus duplicis sigilli nostri munimine roboratas. Datum anno ab Incarnationo Domini millesimo. CC°. L°. nono.

(A bécsi cs. k. titkos levéltárban őrzött eredeti után, Chmel Diplomatorium miscellum Saeculi XIII. Bécs 1849. 51. l.)