In literis Mathiae I. in causa Restorum parochialium Ecclesiarum Comitatus Simeghiensis contra Capitulum Vesprimiense quoad denegatam eisdem per dictum Capitulum medietatem quartarum decimalium eiusdem Comitatus Budae in vigilla festi Purificationis B. Mariae Virginis anno Domini 1482. elargitis inter cetera haec leguntur; dictos Rectores in probam formatae per ipsos praetensionis quinque ordinis literalia instrumenta produxisse, et quidem primum:

„Privilegium Regis Bele IV. de anno millesimo ducentesimo quinquagesimo quinto editum inter alia declarans, qualiter questione inter Canonicos Ecclesie Vesprimiensis ex una, ac universos sacerdotes Vesprimiensis Diocesis partibus ex altera super congrua portione ipsorrum sacerdotum et rebus aliis orta ac diutius agitata, Rex ipse habito Prelatorum, Principum et Consiliariorum tactatu et consilio diligenti, et specialiter Zlandi tune Episcopi Vesprimiensis presentis, acceptantibus et approbantibus partibus utrisque taliter ordinasset, quod medietas quarte decimarum pariter ad sacerdotes pertineret, medietas vero ad Canonicos Ecclesie Cathedralis, assumendo idem Rex pro bono pacis partem observantem supra dictorum huiusmodi contra alteram partem illa observare nolentem in suo iure conservare.”

Sed licet literae hae tam per Regem Sigismundum anno 1423., et per ipsum Regem Mathiam confirmatae fuerint, tamen per iudicium pro diiudicanda hac causa, praesidente Petro Archiepiscopo Colocensis et Bachiensis Ecclesiarum canonice unitarum, delegatum pro falsis et omni vigore carentibus declarate sunt.

(Az egyházi értekezések 1824-ki folyam I. r. 166. l. után. Czech.)