Innocentius Episcopus etc. dilectis filiis magistro Petro Preposito Ecclesie Chasmensis Zagrabiensis Diocesis, Octomaro Archidiacono Nogradiensi et Raynaldo Plebano Ecclesie de Bana Strigoniensis Diocesis salutem etc. Cum sicut in nostra proposuistis presencia constituti, pro expediendis venerabilis fratris nostri B. quondam Colocensis, nune Strigoniensis Archiepiscopi, cuius estis procuratores, Ecclesie sue Strigoniensis negotiis, vos subire oporteat onera expensarum; ne pro ipsarum defectu eadem negotia inexpedita remanere contingat, nos vestris precibus inclinati, contrahendi mutuum propter hoc usque ad summam trium millium et quingentarum marcarum puri et fini argenti ad pondus Ungarie, ac predictos Archiepiscopum et Ecclesiam ipsorum bona hiis, qui vobis huiusmodi pecuniam mutuarint, obligandi, et renunciandi constitutioni de duabus dietis edite in Concilio generali, et bone restitutionis in integrum, necnon et conventioni judicum, si Apostolicas litteras cuiuscumque tenoris super hoc creditorum ipsorum nomine contra dictos Archiepiscopum 248et Ecclesiam, vel eiusdem Archiepiscopi successores contigerit impetrari, ac etiam omnibus litteris et indulgentiis Apostolicis impetratis, et etiam impetrandis, plenam vobis et liberam concedimus auctoritate presentium facultatem: ita tamen quod ... Archiepiscopus, successores et Ecclesia memorata dictis creditoribus ipsam pecuniam solvere necnon et ad dampna, expensas et interesse, si in termino statuendo eandem pecuniam non solverent, super quibus simplici verbo sine sacramento, vel probatione alia credi volumus, teneantur, et prefatis creditoribus pretextu alicuius constitutionis canonice vel civilis, aut cuiuscunque privilegii vel indulgentie, de quibus in nostris litteris plenam et expressam de verbo ad verbum oporteat fieri mentionem, et per quam prefati Archiepiscopus et successores aliquatenus valeant se tueri, dictam pecuniam in utilitatem prefate Ecclesie versam esse probandi necessitas non incumbat. Datum Laterani X. kal. Martii, (Pontificatus nostri) anno XI.
(IV. Incze pápa Regestáiból, Theiner id. m. I. k. 225. l.)