Nos Jacobus Teopulus Dei gratia Dux Ventorum tenore praesentium scire volumus universos, quod cum domino Bella Inclito Rege Hungarorum in pacis et amicitiae foedera perpetuo inter ipsum et nos et communitatem Venetiarum duratura convenimus in hunc modum. Promittentes iuramento corporaliter praestito tactis sacris nomine nostro et Communis Venetiarum, quod universa et singula capitula infrascripta observabimus et attendemus bona fide sine fraude absque ullo malo ingenio, et observari a nostris inviolabiliter faciemus, videlicet quod tam dicto Regi, quam suis heredibus veram, firmam, et perpetuam pacem et amicitiam observabimus. Item quod nos et omnes ad nos pertinentes non receptabimus, nec retinebimus, nec receptari, nec retineri permittemus aliquos inimicos vel infideles dicti domini Regis de Regno suo existentes, nec aliquod consilium, vel auxilium eis impendemus, vel impendi permittemus, postquam nobis constiterit per litteras Domini Regis vel per nuncium suum Episcopalem; et quod significare curabimus per nostras litteras infra duos menses a tempore praestiti iuramenti computandos omnibus Comitibus et Potestatibus ad Ducatum Venetiarum pertinentibus a Ragusio usque ipsam Civitatem Venetiarum constitutis, quod inimicos vel infideles dicti domini Regis de Regno suo existentes non receptabunt, nec retinebunt, nec receptari, nec retineri permittent, nec aliquod consilium vel auxilium eis impendent, vel impendi permittent. Item cum requisiti fuerimus a dicto domino Rege, vel ipsius successoribus, prout decet ab amico, consilium et auxilium impendemus ipsi domino Regi Contra suos inimicos et infideles, maxime citra maritima, sicut consuevit amicus amicum iuvare, si facere poterimus cum bono et honore et salute Venetiarum. Item quod nullam conventionem, nullum pactum, nullam societatem, nullam confoederationem faciemus nos et Communitas Venetiarum nec 156fieri permittemus cum aliqua vel aliquibus personis contra dominum Regem et suos successores, et specialiter et nominatim cum domina Beatrice uxore quondam domini Andreae Regis et filio ipsius, nec nuncios ipsorum contra dominum Regem, aut contra ipsius honorem, et suorum successorum receptabimus, nec receptari patiemure, nec ipsos aut ipsorum nuncios aut homines per omnem districtum Ducatus nostri, aut per homines transire permittemus contra dominum Regem vel suos successores; nec aliquod consilium vel auxilium inimicis ipsius Regis vel suorum successorum impendemus aut impendi patiemur contra dominum Regem et suos successores. Item quod duas partes tributi portae ad Jadriam nos et Communitas Venetiarum permittemus dominum Regem et suos successores et homines suos ipsius Regis nomine percipere absque inquietatione et contrarietate, sicut ab antiquo antecessores ipsius Regis et ipse idem tenuit et percepit. Ad majorem autem firmitatem praedictorum litteras praesentes nostro sigillo fecimus communiri. Datum Venetiis in nostro Ducali Palatio anno Domini 1244, die 6. intrante mense Augusti, secunde indictionis.

(A „Liber pactorum” czímű velenczei statuskönyvből, I. köt. 339. l. Lásd IV. Béla király megfelelő okmányait Fejérnél Cod. Dipl. VII. k. 5. r. 263. l. és IV. k. 1. r. 317. l.)