Gregorius Episcopus etc. dilectis filiis Capitulo Albensi Vesprimiensis Diocesis salutem etc. Presentium vobis auctoritate mandamus, quatenus cum a venerabili fratre nostro... Vesprimiensi Episcopo et dilectis filiis... Abbate de Bocham Cisterciensis Ordinis Vesprimiensis Diocesis et fratre Rembaudo Priore Provinciali Hospitalis Jerosolimitani in Ungaria, a venerabili fratre nostro... Prenestino Episcopo executoribus deputatis, Michael lator presentium ad Albensem Preposituram, et ad ea, que sunt eidem Prepositure annexa, fuerit restitutus, et ipsi vobis iniunxerint, ut intendatis eidem, id efficere sine more dispendio procuretis; non obstante, quod olim vobis nostris dedimus litteris in mandatis, ut non intenderitis eidem, quousque super hoc speciale reciperetis ab Apostolica Sede mandatum. Datum Viterbii XIII. kal. Junii, (Pontificatus nostri) anno undecimo.

(IX. Gergely pápa Regestáiból Theiner id. m. I. k. 154. l.)