371. János Albert lengyel herczeg a Nátafalvi Csontosok Zemplén vármegyei összes birtokait a hozzá pártolt Ödönfi Mihálynak adományozza. Kassai tábor, 1490.

Johannes albertus Dei gracia Regni Hungarie etc. generalis electus, Significamus tenore presencium quibus expedit vniuersis presentibus et futuris harum noticiam habituris, Quomodo consideratis fidelibus et attentis seruicys Egregy et nobilis Michaelis Ewdenffy Curiensis nostri grate dilecti qui nobis pro sua virtute fidelitate et constancia bene placere videtur et magis placere poterit atque seruire in futurum, Harum intuitu ac aliorum seruiciorum suorum nobis exhibendorum volentes ipsum facere consolatum, sibi et suis legittimis posteritatibus sexus vtriusque Bona siue uillas ac possessiones, videlicet Chwdowcz, Ite(m medieta)tem possessionis Nataffalwa a parte meridionali ibidem iacentem, Item porciones possessionarias in possessionibus Lezna, vagyakocz, Zalok, Zthankocz et Kyslezthemer existentes, Item predium volicza vocatum ibidem habitum honorabilis et nobilium Johannis Conthos presbiteri et Andree ac Simonis eciam Conthos vocatorum de Nathaffalwa, Et item Septem sessiones Jobagionales in possessione Zthara habitis et existentibus (így) nobilium fratrum Bernardini et Gregory de Horkan et de Korchwa ceterorumque fratrum suorum carnalium, in Comitatu Zemleniensi hinc et inde existencia, simulcum vniuersis eorum vtilitatibus redditibus proventibus et vtilitatum integritatibus, videlicet molendinis, aquis, fluvys, fluminibus, piscinis, piscaturis, vineis, silvis et promontorys ceterisque pertinencys et attinencys generaliter vniuersis quibuscunque nominibus aut vocabulis nuncupentur, prout dicta Bona ville seu possessiones aut porciones earum in suis literis priuilegialibus et metarum distinccionibus ab antiquo continentur descripte et videntur dimensurate, Jure perpetuo et irrevocabili, propter aduersitatem inobedienciam et infidelitatem superius descriptorum Johannis presbiteri Andree et Simonis dictorum Conthos, Bernardini et Gregory de Horkan et de Korchwa aliorumque fratrum suorum carnalium, dedimus donavimus et contulimus, damusque donamus et conferimus graciose tenore presencium mediante in cluantum de Jure et vera iusticia dare et conferre legittime pronunc possumus vel potuimus, per ipsum Michaelem Ewdenffy et suos legittimos successores sexus vtriusque Suprascripta omnia bona et possessiones tenendas, habendas, possidendas, vendendas, commutandas et in suos vel suorum successorum vsus beneplacitos, prout sibi vel eis videbitur expedire, convertendas pacifice semper et quiete, dicta omnia bona tenenda et habenda perpetue et in ewm. Si et in quantum hec donacio nostra secundum Juris formam et meram iusticiam atque consuetudinem huius Regni et Comitatus Zemleniensis predicti videbitur posse stare et in suo firmitatis robore absque iniuria parcium adversarum legaliter permanere. In cuius rei testimonium Sigillum nostrum presentibus....... impressum, Actum et Datum in castris nostris circa Caschouiam feria tercia ante festum Sancti.......... proxima, anno domini Millesimo quadringentesimo Nonagesimo.

Commissio propria domini principis Electi.

Papíron, a szöveg alá vörös viaszba nyomott pecséttel; eredetije a Nátafalusy cs. ltárában, fasc. 3. nr. 67. Közli: Nagy Gyula.