370. I. Mátyás király Traguriai János képfaragót a Körös vármegyében neki adományozott maykowczi kastély birtokában védi. Buda, 1489. jul. 3.

Mathias dei gracia Hungarie Bohemieque Rex Necnon Dux Austrie etc. Fidelibus nostris magnificis futuro palatino necnon comiti Stephano de Bathor Judici curie nostre et wayuode nostro transilvano Item egregio Thome Dragy personalis presencie nostre locum tenenti necnon Bano vel vicebanis regni nostri Sclavonie preterea comitibus vel vicecomitibus ac electis Juratis Nobilibus quorumlibet comitatuum cunctis eciam alys Regni nostri Judicibus et Justiciariis ecclesiasticis videlicet et secularibus presentibus et futuris presencium noticiam habituris Salutem et graciam. Quia nos certis bonis respectibus racionabilibusque ex causis cupientes prout tenemur nobis sincere dilectum Nobilem magistrum Johannem de Tragurio Statuarium sive marmorum sculptorem in quieto tutoque et pacifico dominio castelli Maykowcz in Regno nostro Sclavonie in comitatu Crisiensi habiti vninersarumque pertinenciarum suarum iam pridem memorato Magistro Johanni ex racionibus et causis in litteris nostris donacionalibus superinde confectis contentis et expressatis de manibus nostris regys donati conservare et nomine tutorio eundem quietum et recurum reddere, Vniuersas lites et causas si que forte occasione ipsius castelli aut suarum pertinenciarum contra eum mote essent vel temporum in processu coram vobis vel altero vestrum per quospiam emergerentur, In nos successoresque nostros reges suscepimus suscipimusque per presentes, ita videlicet quod si quipiam aliquid Juris circa ipsum castellum habere sperarent litesque adversus ipsum magistrum Johannem eiusdemque heredes mouissent vel mouere vellent, hy non contra eundem sed contra nos successoresque nostros agere atque nos et ipsos successores nostros requirere et causam suam persequi debebunt, quibus omnibus nos intra et extra Judicium respondere et Juri stare volumus et ad respondendum nos paratos offerimus. Mandamus idcirco fidelitati vestre presencium serie firmiter, quatenus a modo inposterum causae (így) huiusmodi si que forte coram vobis vel in Judicio vestro per quospiam contra eundem magistrum Johannem pretextu ipsius castelli aut suarum pertinenciarum mote essent vel deinceps moverentur coram vobis, acceptare vel in illis procedere nullo modo debeatis. Nos euim ut promisimus omnibus actoribus in Judicio et extra respondere et causas suas Juris ordine et Justicia mediante defendere volumus. Quocirca ex nunc fideli nostro egregio Benedicto Borsway moderno directori causarum nostrarum futurisque earundem causarum nostrarum directoribus harum serie strictissime precipimus et mandamus vt causas factum dicti castelli et suarum pertinenciarum tangentes vbique tueri et defendere atque actoribus respondere debeat et teneatur suique successores debeant et teneantur, presentibus perlectis exhibenti restitutis. Datum Bude feria sexta proxima post festum visitacionis Beate Marie virginis, Anno domini Millesimo Quadringentesimo octogesimo nono, Regnorum nostrorum Anno Hungarie etc. tricesimo secundo, Bohemie vero vigesimo primo.

Mathias Rex manuppr.

Ad relacionem magistri Francisci prepositi Ecclesie Budensis etc.

Hártyán, sárga-fehér-zöld- és violaszínű czérna zsinóron függő pecséttel; eredetije a gr. Draskovich cs. biszági ltárában, fasc. 6. nr. 269. Y. nr. 73. Közli: Nagy Imre.