355. Ung vármegye szolgabírái főispánjuknak Pálóczi Jánosnak Yory Balázs nevű jobbágya megveretése miatt Csicseri Zsigmond ellen indított perét, mivel bíráskodásukat az alperes gyanúba fogta, az országbíró meghagyására a király ítélete alá bocsátják. Kapo

A teljes cím: Ung vármegye szolgabírái főispánjuknak Pálóczi Jánosnak Yory Balázs nevű jobbágya megveretése miatt Csicseri Zsigmond ellen indított perét, mivel bíráskodásukat az alperes gyanúba fogta, az országbíró meghagyására a király ítélete alá bocsátják
Kapos, 1453. máj. 12.

Serenissimo principi domino Ladislao dei gracia Hungarie etc. Regi dominorum (így) ipsorum gracioso Judices nobilium comitatus de Vngh Obsequium perpetue fidelitatis, vestre Serenitati serie presencium declaramus, Quomodo Juxta continenciam aliarum litterarum nostrarum adiudicatoriarum et expost ad fassionem Johannis de Horka vnius ex nobis Judicis, necnon Stephani literati de Veskocz Nobilis provincialis, Super eo Quod ipsi ad conduccionem Johannis de palocz Comitis Comitatus de Vngh, feria quinta proxima ante festum beati Georgy martiris proxime preteritum ad possessionem Czyczyr accessissent, Ibique Sigismundum de eadem Czyczyr induxissent et ammonuissent eo modo, Quod ipse Sigismundus propter lesionem et verberacionem cuiusdam Blasy yory dicti Jobagionis predicti domini Johannis de palocz in eadem palocz residentis per quendam Johannem gegeny dictum famulum ipsius Sigismundi factam et perpetratam Justiciam et satisfaccionem fecisset Jure mediante, predictus vero Sigismundus ibi Justiciam et satisfaccionem non fecisset preuia racione vt debuisset, pro eo nos Sabbato proximo post predictum festum beati Georgy martiris vnacum vniuersitate dominorum possessionatorum nobiscum legittime pro tribunali sedencium Judicando commiseramus per hunc modum, Quod prefatus Sigimundus Justiciam et satisfaccionem cum tribus marcis non fecisset et cum grauamine aliarum trium marcaram Justiciam et satisfaccionem facere debuisset occasione prenotata. Cum autem Sabbato proximo post festum Apparicionis sancti Michaelis Archangeli nunc proxime preteritum predictas litteras Birsagiales Sigillare debuissemus vt tenebamur, extunc prefatus Sigismundus easdem litteras Birsagiales ante Sigillum ad communitatem dominorum vniuersorum dicti Comitatus prohibuit Sedentibus siquidem nobis eodem Sabbato scilicet post predictum festum apparicionis sancti Michaelis pro tribunali viceuersa, detunc vniuersitas nobilium nostri Comitatus memoratas litteras Birsagiales nobis sigilare non permisit, Sed Ladislaum de Horka procuratorem legittimum predicti domini Johannis de palocz coegerunt coram nobis per hunc modum, Opportet causam et accionem domini Johannis de palocz pretextu non sigillacionis ipsarum litterarum Birsagialium Contra predictum Sigismundum proponere, prefatus autem Ladislaus de Horka vt prefertur procurator predicti domini Johannis de Palocz non habens quo diuerti, Contra prefatum Sigismundum proposuit coram nobis isto modo, Blasium dictum yory Jobagionem domini Johannis de palocz cum Johanne gegeny tuo famulo eotunc de domo tua et de pane tuo ac de postergotuo intra metas predicte possessionis Czyczer tam enormiter et maxime fecisti ledere et verbare(így) potencia mediante, quantam lesionem et verberacionem predictus Blasius yory propter suum ipsius proprium homagium pati et habere noluisset, predictus vero Sigismundus respondit ex aduerso, Ego ipsum Blasium yory Jobagionem domini Johannis de palocz cum Johanne gegeni eotunc meo famulo de domo mea et de pane meo ac de postergo meo intra metas possessionis Czyczer non feci ledere et verberare modo prenotato, nos autem auditis proposicionibus parcium predictarum vnacum vniuersitate nobilium nobiscum legittime protribunali adherencium Judicando commisimus per hunc modum, Quod predictus Sigismundus de Czyczer In quindenis datarum presencium tercio se nobilibus sibi similibus Juramentum debeat deponere coram nobis super eo, Quod ipse predictum Blasium yory Jobagionem domini Johannis de palocz in eadem palocz residentem cum Johanne gegeny protunc suo famulo dedomo sua et de pane suo ac de retrodorso suo intra metas dicte possessionis Czyczyr ledere et verberare non fecisset potencia mediante, quam lesionem et verberacionem Idem Blasius yory pro suo proprio homagio pati et habere noluisset. Sed quia prelibatus Sigismundus de Czyczyr quasdam litteras petitorias Magnifici domini Comitis Ladislai de palocz Judicis curie vestre Serenitatis nobis exhibuit Inquarum tenoribus vidimus contineri Quod ipse Sigismundus nos in hac causa haberet Judices suspectos referendo Et licet nos ipsam causam parcium Juris equitate obseruante discusserimus, Tamen ipse Sigismundus nullatenus nostrum Judicium se assumpmere referebat, Nosque peticioni dicti domini Comitis abtemperantes predictam causam parcium ob maioris Justicie euidenciam ad presenciam vestre Serenitatis examinandam et reuidendam cum tota serie nostre adiudicacionis omni sine grauamine duximus transmittendam, Octauas festi beati Georgy martiris proxime affuturas partibus predictis pro terminis coram vestra Serenitate comparendi assignando. datum in Kapus Sabbato proximo post predictum festum apparicionis sancti Michaelis Archangeli, Anno domini Millesimo Quadringentesimo Quinquagesimo tercio.

Kivűl: Pro Sigismundo de Czyczyr, Contra Johnem (így) de Palocz, Ad Octauas festi beati Georgy martiris proxime affuturas modo intrascripto Transmissio Cause.

Papíron, zárlatán négy gyűrű-pecsét nyomaival; eredetije a Csicsery cs. ltárában. Közli: Nagy Gyula.