Nos Johannes dei et Apostolice Sedis Gracia Colocensis et Bachiensis ecclesiarum Canonice vnitarum Archiepiscopus Locique eiusdem Colocensis Comes perpetuus, Memorie commendamus per presentes, Quod nos attentis et diligenter consideratis fidelitatibus et obsequiorum gratuitis meritis grate nobis dilectorum Gregory Gaspar filiorum Thome de Sarmegh et Mathei Fyntha de Orbag Zenthgewrgh, quibus ipsi Juxta ipsorum possibilitatis exigenciam diligenti et solerti cura rebus et personis non parcendo nobis et dicte ecclesie nostre se gratos reddere curarunt et acceptos, volentes exinde ipsos sicuti et nostre paternitatis liberalitati conuenit antidoto munificencie prosequi gracioso, vt ydem nostre paternitatis remuneracionis dulcedine gustata ad ampliora fidelitatis obsequia in successu temporum nobis et dicte ecclesie nostre exhibenda eo feruencius et animosius incitentur, Eisdem nonam partem tocius possessionis Sarmegh predicte, porcionem videlicet possessionariam condam Magws in eadem possessione Sarmegh in districtu nostro Sarkez in Comitatu Albensi existente habitam, in quarum pacifico domynio vt ipsi asseruerunt progenitores eorum et tandem ipsi hactenus prefuissent essentque de presenti, cum omnibus suis vtilitatibus et pertinencys, puta locis sessionalibus, terris arabilibus, cultis et incultis, fenetis, pratis, Siluis, nemoribus, Arundinetis, pascuis, Aquis, aquarumque decursibus, lacubus, locis lacunarum, piscinis et clausuris piscium, et generaliter quibuslibet vtilitatum et pertinenciarum integritatibus, quouis nominis vocabulo vocitatis, ad eandem rite et legittime spectare et pertinere debentibus, prefatis Gregorio Gaspar et Matheo sicut ipsis sic per eosdem Stephano filio dicti Thome, Michaeli filio Stephani et Ladislao filio dionisy, Item Gallo filio Johannis de Myske, Ladislao filio pauli de eadem, Thome filio Andree de Homokmegh, Clementi filio Michaelis de Adacz, Gaspar filio dominici de Bathya et Andree de Pysky fratribus pretacti Galli, necnon Barnabe Johanni et Blasio filys Briccy Myskey de dicta Sarmegh, Ipsorumque heredibus et posteritatibus vniuersis noue nostre donacionis titulo dedimus donauimus et contulimus, ymmo damus donamus et conferimus Jure perpetuo et irreuocabiliter tenendam possidendam paritet et habendam, Saluis tamen Juribus alienis. In cuius rei memoriam firmitatemque perpetuam presentes literas nostras priuilegiales Sigilli nostri pontificalis autentici Appensione munimine roboratas eisdem duximus concedendas. Datum Bachie die dominica proxima post festum Aduincula beati Petri apostoli, Anno domini Millesimo quadringentesimo quadragesimo quarto.

Hártyán, melyről a sárga selyem zsinóron függött pecsét lehullott; eredetije Karcsay Sándor úrnál, Nagy-Geresden, Sopron vmben. Közli: Nagy Imre.