Relacio petri fily Herrici magistri tauarnicorum Regalium.

Nos Sigismundus dei gracia Romanorum Rex semper Augustus ac Hungarie Bohemie Dalmacie Croacie etc. Rex, memorie commendamus per presentes, Quod nos debenignitate Regia, qua excedentibus veniam et lapsis sublevamen solemus impartiri Jurisque uigorem interdum lenitate misericordie, consueuimus temperare, Laurencium filium Quirini de Wzfalu Nobilem Comitatus de Saros a nota seu labe proscripcionis quam Ipse in congregacione generali per fidelem nostrum virum magnificum Nicolaum de Gara dicti Regni nostri Hungarie palatinum vniuersitati Nobilium et alterius status hominum dicti Comitatus de Saros pridem in Ciuitate, nostra Cassouiensi celebrata racione et pretextu furticiny ac latrociny incurrisse perhibetur, duximus expiandum exonerandum et absolaendum. Capiti possessionibus rebusque et bonis suis vniuersis graciam et misericordiam faciendo speciales. Ita tamen quod se ipsum de cetero ab huiusmodi labe seu nociturnitatis vicio studeat immunem conseruare. Quocirca vobis fidelibus nostris Magnificis palatino et Judici curie nostre vestrasque in Judicatu gerentibus (így) alys eciam cunctis Regni nostri Judicibus et Justiciarys Item Comitibus vicecomitibus et Judicibus nobilium Comitatus predicti presentibus et futuris presencium noticiam habituris firmo nostro Regio damus sub edicto, quatenus prefatum Laurencium racione et pretextu premissorum, in persona possessionibus rebusque et bonis suis quibuscunque ad cuiusuis instanciam intra et extra Judicium impedire molestare seu quouismodo perturbare nequaquam presumatis nec sitis ausi modo aliquali. Secus contra formam premisse nostre gracie sibi facte facere non ausuri in premissis, presentes eciam perlectas semper reddi Jubemus presentanti. Datum in Villa Gerencher feria tercia proxima post festum beati Michaelis archangeli Anno domini Millesimo quadringentesimo vigesimo quarto, Regnorum nostrorum anno Hungarie etc. XXXVIII°, Romanorum quintodecimo et Bohemie quinto.

Papíron, a szöveg alá vörös viaszba nyomott kerek pecséttel; eredetije Lapispatakon, a Keczer cs. ltárában. Közli: Boynychich Iván.