Magnifico viro domino Nicolao de Gara Regni Hungarie palatino et Judici Comanorum domino et amico eorum honorando Conuentus Monastery sancti Egidi de Symigio amiciciam paratam cum honore, vestra nouerit Magnificencia, nos literas vestras adiudicatorias nobis directas reuerencia qua decuit recepisse, et Juxta earundem continenciam vnacum magistro Thoma Gews homine vestro nostrum hominem videlicet religiosum virum fratrem Johannem sacerdotem vnum ex nobis ad ea que in eisdem literis vestris adiudicatorys continerentur peragenda nostro pro testimonio destinasse. Qui tandem exinde ad nos reuersi nobis parili voce retulerunt, Quod ipsi Sabbato proximo ante dominicam Ramispalmarum proxime preteritam ad facies Jurium possessionariorum Sandrini Nicolai Leonardi et Johannis de Gerech propriorum in possessionibus Zenthmyclos vychke Sedfew et kwrd vocatis in Comitatu Tolnensi existentibus habitorum conuocatis commetaneis et vicinis earundem vniuersis ac Nicolao de Bachka actore presentibus accessissent, et primo in eadem possessione Zenthmyclos septem sessiones ipsius Leonardi quinque populosas et duas desertas in linea seu Contrata septemtrionali incipiendo a sessione pauli fily Egidi numerando vsque quandam magnam viam, qua de ipsa villa ad possessionem Solyagh ire protenderet, necnon quatuor Sessiones dicti Sandrini de ipsa via linea in eadem incipiendo ad partem meridionalem numeratiue eundo, populosas, ac in eodem ordine octo, quatuor populosas et totydem desertas iamdictorum Johannis et Nicolai, ex quibus quatuor desertas, duas, vnam scilicet in vico Dalmadwtha et aliam in vico Kerchmeywtha existentes, Item in prescripta possessione vychke in linea septemtrionis a plaga occidentali tres sessiones dictorum Johannis et Nicolai, duas populosas et vnam desertam, In quarum scilicet vna petrus Bako et in alia populosis Johannes dictus vrbanus, necnon in eodem ordine vnam antefati Sandrini populosam in qua Laurencius dictus Toth, et aliam desertam similiter ipsius Sandrini, ac in eadem linea ad partem orientalem duas Sessiones prefati Leonardi populosas in quarum vna Bartholomeus et in altera Johannes filius Blasy commorarentur, ac terciam desertam similiter ipsius Leonardi, Item in iamfata possessione Sedfew duas sessiones desertas vnam scilicet memorati Johannis et Nicolai et aliam antedicti Sandrini in ordine platee a plaga occidentali existentes, Item in antefata possessione kwrd in linea occidentali tres sessiones dictorum Johannis et Nicolai penes se se existentes, in quarum vna Nicolaus in altera vero Georgius et in tercia Gallus residerent, ac in eodem ordine duas sessiones ipsius Sandrini vnam populosam et aliam desertam in qua scilicet populosa ad presens Stephanus dictus Kwn conmoraretur, necnon ad prescriptas singulas Sessiones tam populosas quam desertas dictorum Sandrini Nicolai Leonardi et Johannis de fenilibus eorundem singula falcastra feni ac de terris arabilibus dicte possessionis Zenthmyclos simulcum siluis et rubetis ad duo aratra necnon ipsius possessionis vychke similiter cum siluis et rubetis ad vnum, ac prescripte possessionis Sedfew modo simili cum Siluis et rubetis ad medium aratra. Item de terris arabilibus porcionis possesionarie memorati Johannis et Nicolai ad predictam possessionem kwrd vocatam spectantibus ad duo et medium, necnon similiter de terris arabilibus ipsius Sandrini ad prescriptam possessionem kwrd pertinentibus ad duo aratra regalis mensure se extendencia visu considerando occupassent ocupatasque manibus prefati Nicolai de Bochka applicassent tamdiu per ipsum Nicolaum possidendas et habendas, donec per prefatos Sandrinum Nicolaum Leonardum et Johannem vel alios quorum redempcione eedem pio quinquaginta marcis denariorum redimerentur statuissent. datum sexto die diei premisse possessionarie occupacionis et statucionis antedictarum, anno domini Millesimo quadringentesimo vigesimo.

Hártyán, hátlapján pecsét nyomaival; eredetije Keszthelyen, a gr. Festetics cs. ltban, Molnári Iratok, fasc. 82. nr. 12. Közli: Nagy Imre.