Commissio propria domini Regis.

Nos Sigismundus dei gracia Rex Hungarie Dalmacie Croacie etc. Marchioque Brandenburgensis etc. Sacri Romani Impery Vicarius generalis et Regni Bohemie gubernator, Memorie commendamus tenore presencium significantes quibus expedit vniuersis, Quod nos consideratis et in acie nostre mentis mature premetitis fidelitatibus et fidelium seruiciorum preclaris meritis fidelis nostri dilecti Nobilis viri Dauid fily Martini de Albews, pridem Comitis nostri Zoliensis, quibus Idem nobis et Sacro nostro Regio dyademati sub diuersis locis et temporibus presertim in exercituali nostra expedicione in Regno Bohemie pro Sacri Romani Impery nostrique patronatus honore prosequendo mota studuit et adhuc anhelat intrepide complacere, licet eorundem laudedignorum seruiciorum suorum exigencia multo maiora remuneracionis premia a nobis mereretur, attamen in aliqualem eorundem recompensam quasdam possessiones nostras Regias Zazzar et Tributum in eadem exigi consvetum et Thothfalw vngaricales, necnon Bozyntha Olahalem vocatas in Comitatu Zathmariensi habitas, simulcum vniuersis ipsarum vtilitatibus et pertinencys, videlicet Terris Arabilibus, cultis et incultis, Pratis, fenilibus, Siluis, Nemoribus, Molendinis, Montibus, Vineis, Promontorys, Aquis, Riuulis, Piscinis, Aquarumque decursibus, Campis, Pascuis, Paludibus, Arundinetis, et generaliter quibuslibet earundem vtilitatum integritatibus, sub ipsarum veris metis et antiqui limitibus quoquomodo nuncupatis, ex certa sciencia Prelatorum Baronumque nostre Maiestatis maturo consilio prehabitis, noue nostre Donacionis titulo et omni eo Jure, quo predicte possessiones Zazzar et Tributum in eadem exigi consuetum, necnon Thothfalw et Bozintha vocate, alieque earundem vtilitates et pertinencie superius specificate ad nostram quibuscunque racionibus seu de causis quoquomodo spectarent collacionem, memorato Comiti Dauid et per ipsum suis hereditatibus et posteritatibus vniuersis, de manibus nostris Regys dedimus donauimus et contulimus ymmo damus donamus et conferrimus (így) perpetuo et irreuocabiliter possidendas tenendas pariter et habendas. Saluo Jure alieno. Harum nostrarum vigore et testimonio litterarum mediante. Quas dum nobis in specie reportate fuerint in formam nostri priuilegy redigi faciemus. Datum in Castro nostro Wegles Zoliensi feria secunda proxima ante festum Penthecostes, Anno domini Millesimo quadringentesimo decimo.

Hártyán, rajta a kissebb királyi pecséttel; eredetije a gr. Keglevich cs. ltárában, I. 1. 6. Közli: Géresi Kálmán.