254. A kolozsmonostori convent előtt egy részről a budatelki nemesek, más részről Vas Miklós fiai István és Pál, a Kolozs vármegyei Diós és Balogjánostelke birtokokat illetőleg egyezkednek. 1364. aug. 1.

Conventus ecclesie beate marie virginis de Clusmonostra Omnibus xpi fidelibus presens scriptum inspecturis Salutem in omnium salvatore. Cum ea que in tempore legitime determinantur varietate temporum in irritum nequeant reuocari stabilitate literarum consueuerunt roborari, proinde ad vniuersorum noticiam tam presencium quam futurorum harum serie volumus pervenire, quod Stefano et Georgio nobilibus de Budatelke ab vna, parte vero ex altera Stefano filio Nicolai dicti Wos, nobili de Sancto Egidio pro se personaliter pro Paulo vero fratre suo uterino cum legitimis literis nostris procuratorys coram nobis personaliter constitutis confessum extitit per partes iam dictas ministerio viueuocis et relatum, quod idem Georgius de Budatelke tam racione vicinitatis et commetaneitatis possessionum dyos et Bolugianustelke vocatarum in comitatu de Clus existencium, quam eciam propter lineam generacionis et consanguinitatis condam Michaelis et Mannus nobilium de Kalian predictos Stephanum et Paulum filios Nicolai dicti Wos nobiles de sancto Egidio racione occupacionis et detencionis prefatarum possessionum dyos et Bolugianustelke vocatarum ad presenciam nobilis viri petri vicevoyuode in causam attraxisset. Ipsaque causa propter diuersas cautelas coram eodem viceuoyuoda de termino ad terminum iuris ordine diucius extitisset prorogata. Et demum idem Georgius de Buda (így) dictam possessionem dyos vocatam viginti et nouem marcis, terram vero Bolugianustelke vocatam vacuam et habitatoribus destitutam pro tribus marcis regni cum homine dicti viceuoyuode sub testimonio hominis nostri adhoc deputatis iuxta regni consvetudinem fecisset estimari, estimatasque a predictis Stephano et Paulo filys Nicolai dicti Wos iuris ordine auferre et pro se ipso redimere voluisset. Tandem partes predicte coram nobis personaliter comparendo racione redempcionis prefatarum possessionum dyos et Bahugianustelke vocatarum, mediantibus probis viris partes suas fauorabiles interponentibus, tali modo concordarunt et pacificarunt, ut ydem Stephanus et Georgius nobiles de Buda rectas dimidietates dictarum possessionum dyos et Balugianostelke nuncupatarum ipsis Stephano et Paulo filiis Nicolai dicti Wes reliquissent et resignassent et coram nobis reliquerunt et resignarunt cum omnibus utilitatibus et pertinencys vniuersis ad dictas medietates pertinentibus iure perpetuo et irreuocabiliter tenendas, possidendas et pacifice habendas. Saluo iure alieno. Alys residuis medietatibus earundem ipsis Stephano et Georgio modo premisso remanentibus. Econuerso ydem Stephanus et Paulus fily Nicolai predictas triginta duas marcas scilicet redempciones dictarum duarum possessionum eisdem Stephano et Georgio coram nobis relaxarunt et reliquerunt. Ita tamen quod ydem Stephanus et Paulus filii Nicolai dicti Wos iuxta seriem suorum instrumentorum ac literarum privilegialium ipsorum super facto occupacionis et obseruacionis dictarum possessionum dyos et Bolugianustelke vocatarum emanatarum, predictos Stephanum et Georgium de Buda contra quoslibet racione dictarum medietatum possessionariarum in ius........ nittentes expedire tenerentur, ydem vero Stephanus et Georgius de Buda eosdem Stephanum et Paulum filios Nicolai contra vicinos et commetaneos ipsorum tamquam semet ipsos in dominio sepedictarum medietatum possessionariarum protegere et defendere assumpmentes. In cuius rei veritatem perpetuamque firmitatem ad peticionem parcium prefatarum presentes nostras concessimus literas privilegiales pendentis sigilli nostri munimine roboratas et munitas. Datum in octauis festi beati Jakobi apostoli Anno domini M° ccc° lx° quarto.

Hártyán, zöld selyem zsinóron függő töredezett pecséttel; eredetije a gr. Wass cs. czegei ltárában. Közli: Deák Farkas.