235. Pál országbíró Miklós ungi főispánnak és testvérének Jánosnak, néhai (Drugeth) János nádor fiainak, a Tarnóczi Bod fiai ellen fenforgó követelésük ügyében, ez utóbbiak részére esküt ítél. Buda, 1347. julius 8.

Nos Comes Paulus Judex Curie Domini Ludouici dei gracia Regis Hungarie. Damus promemoria, quod Johannes dictus Banoch, pro magistris Nicolao Comite de Vngh et Johanne fratre suo, cum procuratorys litteris Conuentus de Lelez, iuxta cuntinenciam priorum litterarum nostrarum in octavis festi natiuitatis beati Johannis baptiste ad nostram accedens presenciam, contra Petrum Ladislaum Donch et Emericum filios Bod de Tornolch in figura nostri Judicy proposuit eo modo, quod prefati magistri Nicolaus et Johannes domini sui feria sexta proxima ante festum beati Michaelis archangeli cuius proxime secunda adueniret reuolucio annualis, annotatis petro ladislao donch et emerico filys Bod tres marcas prompturum denariorum mutuo accommodassent, quas ipsi fily Bod, dictis magistris Nicolao et Johanni Dominis suis reddere noluissent, pluries postulantibus. Quo percepto Johannes filius Nicolai de Lazy, pro prefatis filys Bod cum procuratorys litteris Conuentus de Jazou exsurgens, eosdem petrum ladislaum Donch et emericum filios Bod, in premissa accione et aquisicione dictorum magistrorum Nicolai et Johannis innocentes fore retulit penitus et inmunes, vnde nos auditis parcium proposicionibus adiudicantes commisimus, quod prefati petrus Ladislaus donch et emericus fily Bod solys eorum in personis proprys, in octauis festi beati Jacobi apostoli nunc proxime venturis in Conuentu de Lelez, In eo vt ipsi in premissa accione et aquisicione dictorum magistrorum Nicolai et Johannis innocentes sint penitus et inmunes, sacramentum prestare et seriem eiusdem partes in litteris dicti Conuentus de Jazou (így) ad octauam (így) diem nobis reportare teneantur. Datum Bude octauo die termini prenotati, Anno Domini M°. ccc°. xlmo septimo.

Kivűl: Super Juramento, pro filys Bod contra magistrum Nicolaum et Johannem filios quondam Johannis palatini in octauis festi beati Jacobi apostoli in Conuentu de lelez deponendo, et octauo die ad Judicem.

Papíron, zárlatán paizs alakú pecsét nyomaival; eredetije a Csicsery cs. ltárában. Közli: Nagy Gyula.