234. A nyitrai káptalan előtt a vásárdi nemesek közűl többen Gyuri nevű birtokukat Péter fiának Jakabnak örök áron eladják. 1347. máj. 25.

Nos Capitulum Nitriensis ecclesie Memorie commendantes tenore presencium significamus quibus expedit vniuersis. Quod Petrus Johannes et Paulus fily Nicolai, Andreas et Stephanus fily Maurici, Johannes Andreas et Thomas fily Gelyani, ac Nicolaus filius Egidy nobiles de Wasard ab vna, Item Jacobus filius Petri de eadem parte ab altera, coram nobis personaliter constituti, ydem fily Nicolai et fily Maurici nec non fily Gelyani, ac Nicolaus filius Egidy, quandam possessionariam porcionem ipsorum Gyuri vocatam cum vniuersis suis vtilitatibus quibuscunque nominibus vocitatis, ipsi Jacobo filio Petri pro quatuor marcis denariorum latorum vyennensium, marcam quamlibet cum decem pensis conputando, coram nobis plene ab eodem receptis, viue vocis oraculo retulerunt vendidisse et vendiderunt ac tradiderunt coram nobis perpetuo et irreuocabiliter pacifice et quiete possidendam tenendam in filius filiorum pariter et habendam. In super premissi omnes et singuli premissorum singulariter, taliter se sponte obligarunt, quod quandocunque temporis in processu quispiam ipsorum ipsam vendicionem reuocare niteretur, ex tunc in decem marcis, salua Judicis porcione ipsi Jacobo vel filys suis ante litis ingressum persoluendis conuinceretur ipso facto. Presentes autem promittimus nostro Priuilegio confirmari facere, cum nobis fuerint reportate. Datum feria sexta proxima ante festum sancte Trinitatis. Anno domini Millesimo cccmo xlmo septimo.

Hártyán, hátlapján pecsét nyomaival; eredetije a gr. Khuen-Héderváry cs. ltban, „Viczay rész” fasc. 48. nr. 15. Közli: b. Radvánszky Béla.