Nos Capitulum ecclesie beati Martini de Scepus Memorie commendantes tenore presencium significamus quibus expedit vniuersis, Quod laurencius filius Nicolai de Iuanusfalua pro se ac Jacobo et Thoma filys suis cum litteris procuratorys magnifici viri domini Nicolai palatini, Item paulus et Dauid fily eiusdem laurency ab vna, et Johannes filius vz de sancto Georgio parte ab altera coram nobis personaliter constituti, ydem laurencius suo et procuratorio nomine huiusmodi ac paulus et Dauid viua uoce extiterunt confessi. Quod predictus Johannes filius vz ipsis et alys filys ipsius laurency absentibus racione werberacionis et sanguinis effusionis dicti laurency ac spoliacione possessionis ipsorum Iuanusfalua predicte et ablacione rerum suarum quarumcunque, et omnibus et singulis iniurys dampnis causis et quescionibus motis hucusque, seu racione eorumdem mouendis in futurum, de quibus per ipsos inculpabatur, plenam omnimodam et condignam satisfaccionem inpendisset et impendit. Quapropter ipsum racione omnium premissorum dimisissent et dimiserunt solutum, liberum, quietum perpetuo pariter cum suis successoribus et heredibus expeditum. Obligantes nichilominus se et suos successores ipsum Johannem et suos heredes ab omnibus filys ipsius laurency absentibus et generacione eorumdem proprys ipsorum laboribus et expensis super premissis expedire. Datum in vigilia festi Epiphanie xi. Anno eiusdem M° CCC° xl. quarto.

Hártyán, hátlapján kerek pecsét nyomaival; eredetije Lapispatakon, a Keczer cs. ltárában. Közli: Nagy Gyula.