Thomas Woyuoda Transsiluanus et Comes de Zonuk, Dilecto sibi Petew Vicewoyuode suo uel eius vices gerenti, aut pro tempore constituto, plenam dileccionem cum salute, vestre fidelitati firmiter et districte precipientes mandamus per presentes, quatenus Comitem Nicolaum dictum Vos maiorem super factis possessionum suarum, a Regia maiestate per ipsum obtentarum, sicut in literis Regalibus videbitis contineri, nullomodo Judicare uel vestro compellere astare Judicatui contra quospiam presumpmatis, aliud si Regiam maiestatem grauiter offendere pertimescitis in premissis facere non audentes. Datum in Wyssegrad tercia feria proxima ante octauas Epiphanie domini, Anno eiusdem Millesimo CCC° xxxx°.

Hártyán, hátlapján pecsét nyomaival; eredetije a gr. Wass cs. czegei ltárában, Lit. G. nr. 9. Közli: Fehérpataky László.