Nos Herricus plebanus de Eperyes et rector ecclesie beati Nycolay confessoris de eadem, et viceuicarius viri discreti et honesti magistri Johannis et archidiaconi de Borsod ac generalis vicari domini N. dei et apostolica gracia domini Episcopi agriensis, memorie commendantes tenore presencium significamus quibus expedit vniuersis. Quod comes Thomas filius Itemery de genere Thekule et Ladislaus filius eiusdem Thome comitis ab una parte, comes Nycolaus filius comitis petri de Machala ab altera coram nobis personaliter constituti dixerunt, quod in casra quam idem comes Thomas racione quartalis domine vxoris sue nomine Margaretha filia magistri Thome Thalpos, super memoratum comitem Nycolaum requirebat coram nobis, quiquidem comes Thomas cum litteris procuratoriis nostris sufficientibus pro eadem domina comparebat, per arbitrium proborum virorum et specialiter per arbitrium domini Andree sacerdotis de sancto Georgio, comitis Johannis magni, Item Sikusdi et Vza et aliorum in talem pacis concordie (így) se dixerunt deuenisse, quod idem comes Nicolaus memorato comiti Thome et filio eiusdem pro quarto domine vxoris sue nomine Margaretha soluit coram nobis marcam et fertonem, vnde quarta (így) idem Thomas et filius eius memoratum comitem Nicolaum et suos progenitores (így) reddidit expeditos. Datum in uilla Eperyes in festo Clementis pape. Anno domini M°. CCC. xxx. VIII.

Hártyán, hátlapján pecsét maradványaival; eredetije Lapispatakon, a Keczer cs. ltárában. Közli: Nagy Gyula.