160. Bírói ítélet egy részről a Byter comes fiai, más részről a Farkas és Persa fiai közt bizonyos themai birtokrész miatt fenforgó ügyben, mely szerint mind a két fél tanúkat állítani köteleztetik. Buda, 1299. mart. 10.

Datum pro memoria, quod cum quandam particulam terre de terra Thema, per Andream filium Alexandri de Thema reimpedite, quam terram comitem Byter comperimus ab eodem Andrea suo obtinuisse iuramento, Juxta cursus metarum antiquarum et nouarum, Juxta easdem antiquas metas per hominem domini Regis presente testimonio Capituli vaciensis erectarum, quarum metarum antiquarum cursus in composicionalibus litteris domini Regis continentur, filys comitis Byter, cum pater ipsorum sit deffunctus, perpetuare voluissemus, demetrius filius farkassy pro se, Mochk fratre suo, hetro Nicolao et Georgio filys Perse, cognatis suis cum protectorys (így?) litteris capituli waciensis personaliter astando, eundem Andream personaliter conparentem a perpetuacione dicte particule terre, et eosdem filios comitis Byter pro quibus comes hermanus cum prouocatorys (így?) litteris eiusdem Capituli comparuit, a recepcione eiusdem prohibuit, dicens idem demetrius, quod eundem comitem Byter a suo Juramento in facie dicte particule terre et ipsum andream a recepcione ipsius Juramenti presente testimonio eiusdem capituli et ab ereccione metarum ipsius terre prohibuisset, nomine suo et cognatorum suorum predictorum, exhibens ad hoc litteras eiusdem Capituli, in quibus assercionem quam ipse demetrius dixit ad plenum vidimus contineri. Exhibuit eciam idem Demetrius pro se et cognatis suis litteras comitis Martini in quibus continebatur, quod cum super facto dicte terre reimpedite inter Andream et comitem Byter contenderetur, idem Hermanus dixisset procuratorio nomine, quod terra quatuor aratrorum per Andream predictum pro decem et septem marcis coram Byter impignorata pro eo deberetur, quia excepta predicta terra quatuor aratrorum, dominus suus in eadem terra Thema sub distinccionibus in eisdem litteris comitis Martini conprehensis haberet porcionem, quam porcionem terre ibidem in instanti idem Andreas dixisset esse suam hereditariam, et per eundem comitem Byter indebite occupatam. verum quia ipsum comitem Byter contra prohibicionem dicti demetry pro se et fratribus suis factam, in premissis conperimus suum deposuisse iuramentum nomine iuris sui hereditarii et eundem demetrium nomine terre sue hereditarie reimpediuisse tamquam propinquior cum filys perse de generacione Andree memorati, statuimus partibus assumpmentibus decernendo, vt in octauis beati Georgy martyris proximo (így) venturis ambe partes videlicet fily comitis Byter coram Capitulo waciensi contra eundem demetrium, Mochk et fratres Perse (így?) hoc specialiter quod eadem terra modo premisso per ipsum demetrium et cognatos suos reimpedita, sit et fuerit hereditaria terra comitis Byter patris eorum et ipsorum. Item eodem die coram capitulo agriensi demetrius, Mochk et fily perse contra eosdem fratres (így?) Byter testibus quibus euidencius poterunt contra invicem debcant conprobare. Post hec partes quintodecimo die produccionis testium conparebunt coram nobis nomina et dicta suorum testium in litteris dictorum capitulorum exhibentes. Dicimus eciam quod ydem fily comitis Byter contra eosdem filios farkassy et filios Perse super quinque porcionibus dicte particule terre testes producent in premissis, sexta uero porcio dicte particule terre videlicet porcio ipsius Andree de eadem particula terre sine aliqua contradiccione cessit filys comitis Byter perpetuo possidenda et habenda. datum Bude septimo die cynerum, Anno domini m°. cc°. Nonagesimo Nono.

Zárlatán paizs alakú pecsét nyomaival; eredetije a Darvas cs. ltárában, Ongán. Közli: Csontosi János.