Excellentissimo domino suo Andree dei gracia Regi Hungarie Capitulum ecclesie Nytriensis oraciones in domino tam debitas quam deuotas. Litteras vestre celsitudinis recepimus reuerenter, continentes, quod cum Dominico filio Evrnog homine uestro nostrum daremus hominem, coram quo idem homo uester possessionem Borsa sine herede decedentis Kochyrich vocatam statueret, reambulando, in manus Radizlai fily Ladizlai si non fieret contradictum. Nos uero uestre celsitudinis mandatis obedire cupientes, vt tenemur, cum eodem Dominico homine uestro nostrum misimus hominem fidedignum, qui negocio intanti (így) ad nos redeuntes nobis retulerunt, quod conuocatis conmetaneis et vicinis supradicte terre Kochyrich nuncupate, que terra Borsa sine herede decedentis cognati eiusdem Radizlai asserebatur, super faciem eiusdem terre accessissent nemine contradicente, ymo omnibus conmetaneis consencientibus rehambulando supradicto Radizlao filio Ladizlai assignassent. Cui quidem terre ab aquilone terra Abbatis ecclesie de Zubur Trebata, ac terra Evr, et ab oriente terra Pecheen, a parte uero meridionali terra ecclesie sancti martini de Pannonia Dobrutha nuncupata, a parte autem occidentali terra eiusdem Radizlai, sicut ab eisdem homine uestro et nostro didicimus, vicinantur. Datum in festo beati Andree Apostoli. Anno Domini M° CC° nonagesimo octauo.

III. Endre királynak 1299. évi adományleveléből; l. a következő sz. a.