Nos Capitulum ecclesie Waradyensis memorie conmendamus, quod magister Martinus Custos ecclesie nostre socius et concanonicus noster coram nobis personaliter conparendo dixit, quod Ivanca, Andreas et Suta fily Damyani iobagiones sui de Zelus contra Zoloch villicum de eadem egissent in figura iudicy, in hunc modum coram ipso proponendo, quod ipse Zoloch quoddam molendynum per ipsum Damyanum patrem ipsorum eis relictum in medio ipsius ville Zeuleus super fluuio Heuyo situm detineret indebite occupatum; e conuerso uero Zoloch respondisset, quod idem molendinum eo tempore, quo Rex Ladizlaus in villa Zeleus residenciam fecit, per nevgaros penitus fuisset conbustum, et dictus Suta et Othmar frater suus locum ipsius molendyni, quem ad reparandum eiusdem proprie non sufficiebant facul.... cum ipso Zoloch inmediate participanssent (így), tali condicione interiecta, quod ipse lapides molares et ferrum pro ipso molendyno conparasset, ydem uero Suta et Othmar edificia lignaminum restaurasset. Ad quod eciam opus ipse Zoloch vnciam expendisset. Postmodum autem prenotati Suta et Othmar porcionem eorum de molendyno predicto, videlicet medietatem nimio pondere pauper........ pro marca et fertone sibi inreuocabiliter coram populis de eadem et coram alys uendidissent. Et cum idem Zoloch iuxta formam Judicy pro ipsum (így) inter partes prolati se sexto super assercione sua prehabita.... eosdem Andream, Ivancam et Sutam iurare debuisset die et loco ipsius Juramenti mediantibus probis viris taliter inter ipsos extitisset ordinatum, quod prefatus Zoloch pro redimendo iuramento conpurgatorum suorum ipsis Andree, Ivance et Suta vnum fertonem persoluisset, et sepedicti Ivanca, Andreas et Suta renunciassent omni liti et accioni, quas racione memorati molendyni sibi uendicare pot....... dem molendynum pretacto Zoloch pacifice et quiete ac irreuocabiliter relinquendo. Datum quarto die Octauarum Epiphanie domini. Anno eiusdem M° CC° nonagesimo primo.
János váradi püspöknek 1326. jul. 15-ikén kelt átiratából, melynek hártyán, függő pecsét alatt kiállított eredetije megvan az orsz. ltár kincst. oszt. Eccl. 15. 1. Közli: Vincze Gábor.