109. A kalocsai káptalan IV. László királynak jelenti, hogy Wethehi Konrád fiát Sebestyént Harta föld birtokába minden ellenmondás nélkűl beiktatta. (1289.)

Excellentissimo domino suo Ladizlao dei gracia Illustri Regi Hungarie Capitulum Collocensis ecclesie Oraciones in domino debitas et deuotas cum fideli famulatu. Litteris vestre magnitudinis debito cum honore receptis cum homine vestro Othmar filio Othmar vnum misimus pro testimonio fidedignum, coram quo idem homo uester quandam terram Harta vocatam presentibus conmetaneis et vicinis per veteres metas et antiquas reambulando statueret Sebastiano filio Corrardi de Wetheh si non fieret contradictum. Qui homo noster ad nos rediens vnacum homine vestro retulit requisitus, quod homo vester antedictus accedens ad faciem terre predicte Harta vocate, presentibus conmetaneis et vicinis per ueteres metas et antiquas reambulando, et nouas iuxta ueteres erigendo, statuit Sebastiano filio Corrardi de Weteh prenotato, nullo contradictore existente. Cuius quidem terre cursus metarum talis est. Prima meta incipit a Danubio a parte occidentali in inferiori parte portus Modocha, et inde vadit ad partem orientalem transsiens quoddam Stagnum, quod Chekezatuna vocatur et ibi sunt due mete, deinde vadit ad quandam Aquam que minor danubius dicitur et ibi sunt due mete, et ibi vicinatur terre Comitis Benedicti fily Comitis Lazari Harta vocate. Abhinc autem tendit ad quandam terram arabilem, et ibi sunt due mete; deinde vero uadit ad quandam vallem Zaud vocutam, ubi sunt due mete, et ibi vicinator (így) terre Jobagionum Castri de Harta, et circa eandem vallem progrediens venit prope finem eiusdem vallis, vbi sunt due mete. Deinde vadit ad Stagnum, que (így) wlgo Vzh vocatur, et ibi vicinatur terre Nobilium de Vlle, et ibi circuens quandam particulam terre arabilis redyt ad eundem (így) Stagnum Vzh, qui (így) Menesuth vocatur, et inde transens circa temas Nobilium de Sule, vadit ad quandam vallem, que Asyan nuncupatur, et inde uergit ad Sahcartu; deinde redyt ad Danubium in superiori parte portus Modocha, et ibi terminatur.

IV. László királynak 1289. évi adományleveléből; l. a következő sz. a.