Capitulum Budensis ecclesie omnibus presens scriptum inspecturis salutem in domino. Nouerit vniuersitas uestra, quod constituti coram nobis comes Jak, Chuda, Bartholomeus frater eiusdem Chuda, et Vza nobiles de genere Kortol ex una parte, Item Petrus filius Wza, Symon, Bartholomeus fily Francisci, ac Thomas filius Thome dicti Kabas de eadem generacione ab altera, proposuerunt, quod super quibusdam possessionibus eorum videlicet Ineu de portu, et Budun vocatis, pro quibus inter eos contencio uertebatur, taliter conuenissent, quod dicti Jak comes, Chuda, Bartholomeus et Wza totam porcionem eorum, quam de dicta terra Ineu habebant, cum tribus libertinis, Pouka videlicet, Gregorio filio S. lcha et minore filio.. heca Dominico nomine in eadem terra residentibus, prenominatis Petro, Symoni, Bartholomeo et Thome reliquerunt, statuerunt et assignaverunt pacifice et perhenniter possidendam, addendo eisdem undecim marcas in argento. Ita quod iam dicti comes Jak, Chuda, Bartholomeus et Wza nichil de cetero iuris de ipsa terra Ineu sibi uendicare poterunt uel habere; et econuerso Petrus filius Wza, Symun, Bartholomeus et Thomas antedicti totam eorum porcionem, quam de terra Budun uocata habebant, memoratis comiti Jak, Chuda, Bartholomeo et Wza reliquerunt et resignaverunt similiter cum tribus libertinis, Georgio, Nicolao et Cozma nominatis in predieta villa Ineu conmorantibus perpetuo possidendam. Illo adiecto per partes, quod una ipsarum alteram et econuerso super premissis terris et libertinis a quolibet molestante de generacione ipsorum debeat expedire; preterea eedem partes talem inter se uoluerunt fieri obligacionem super premissis, quod si qua ipsarum a hac concordia seu ordinacione resiliret, quadraginta marcas parti in forma ordinacionis perseueranti soluere teneatur. In cuius rei memoriam partibus sic uolentibus et petentibus litteras presentes concessimus sigilIi nostri munimine roboratas. Datum per manus magistri Ambrosy scolastici Budensis, Anno domini M° CC° LXX° sexto. Magistro Johanne (cantore, Laurencio) custode, Elya decano, Scela sacerdote, Damiano, Elya et Stephano magistris ceterisque canonicis existentibus.

Hártyaszalagon függő pecséttel, alúl cyrographummal. Eredetije az orsz. ltár kincst. oszt. Mon. VBud. 8. 6. Közli: Vincze Gábor.