Clemens episcopus seruus seruorom dei Dilectis in Christo filiabus Priorisse et Soroxibus Monastery sancte Marie de Insula quondam Leporum nuncupata ordinis sancti Augustini secundum instituta et sub cura fratrum Predicatorum uiuentibus Vesprimiensis diocesis Salutem et apostolicam benediccionem. Solet annuere sedes apostolica pys uotis et honestis peteucium precibus fauorem beniuolum impertiri. Lecta siquidem nobis uestra peticio continebat, quod cum felicis recordacionis Alexander papa, predecessor noster, intellecto, quod Carissimi in Christo fily nostri Rex et Regina Vngarorum Illustres unam de filiabus suis uellent ponere in uestro Monasterio, quod ipsi construxerant proprys sumptibus et dotare eciam proponebant, dilectis filys Magistro et Priori Prouinciali Vngarie ordinis Predicatorum suis dedisset litteris in mandatis* ut idem Monasterium eorum ordini incorporare curarent, deputantes uobis aliquos de fratribus ipsis, qui uos regularibus instruerent disciplinis et informarent ipsius ordinis institutis, tandem dicti Magister et Prior Monasterium ipsum iuxta dictarum litterarum tenorem eidem incorporarunt ordini, certo fratrum suorum numero uobis ad premissa exequenda nichilominus deputato. Nos itaque uestris supplicacionibus inclinati, quod ab eisdem Magistro et Priore super hys prouide factum est, ratum et firmum habentes id auctoritate apostolica confirmamus et presentis scripti patrocinio conmunimus. Nulli ergo omnino hominum liceat hanc paginam nostre confirmacionis infringere, uel ei ausu temerano contraire. Si quis autem hoc attemptare presumpserit indignacionem omnipotentis dei, et beatorum Petri et Pauli apostolorum eius se nouerit incursurum. Datum Viterby XIII. Kalendas Marcy Pontificatus nostri Anno Tercio.

Függő ólom pecséttel. Eredetije két példányban az orsz. ltár kincst. oszt. Mon. Pos. 68. 3. Közli: Vincze Gábor.