547. István ifjabb királynak Wrs helységet tárgyazó adománya Kompolth comes számára. 1264.

(S)tephanus Dei gracia junior Rex Vngarie, Dux Transsiluanus et Dominus Cumanorum omnibus presentes litteras inspecturis salutem in Domino sempiternam. Vt collaciones Regum perpetuo perseuerent, litterarum solent testimonio communini. Proinde ad vniuersorum noticiam harum serie volumus peruenire, quod cum Comes Compolth dilectus et fidelis noster nobis et Regno quam plurima exhibuisset seruicia grata pariter et accepta, diuersis fortune casibus personam suam exponendo: Nos in recompensacionem seruiciorum suorum pio desiderio respondere uolentes, quandam terram Castri Wyuar Wrs uocatam, uacuam penitus et habitatoribus destitutam, a Castro penitus exemptam, sibi et per eum suis heredibus heredumue successoribus contulimus, dedimus et donauimus jure perpetuo possidendam. Cuius quidem mete, prout in litteris Abbatis et Conuentus de Paztuch contineri: vidimus, hoc ordine distinguntur: Prima meta incipit in aqua Tornua ex parte Petri filiorum (igy) Koyl; deinde tendit per duas metas ex parte iobagionum Castri Heues, et uenit ad terram Nysta vocatam, terram Ecclesie de Sar, et ibi sunt quatuor mete, et inde uenit ad terram ipsius Compolth Comitis; deinde tendit iterum ad aquam nominatam, et dum transit peruenit iterum ad quatuor metas, et ibi sunt commetanei Damian, Cosmas filius Huche; et inde tendit ad priores metas, ibique terminatur. Vt igitur hec nostra donacio robur optineat perpetue firmitatis, presentes super hoc concessimus litteras duplicis sigilli nostri munimine roboratas. Datum per manus Stephani Dei gracia Archiepiscopi Colocensis Aule nostre Cancellarij dilecti et fidelis nostri anno ab Incarnacione Domini MşCCş sexagesimo quarto.

(III. Endre királynak megerösítő privilegiumából; mint alább 558. szám alatt.)