Nos Capitulum Quiuqueecclesiensis Ecclesie memorie commendamus per presentes, quod cum nobilis uir Magister Corraldus filius Stephani de genere Yeur Marcellum et Laurencium filios Andree, Nicolaum et Jacobum filios Stephani filij Marcelli super facto cuiusdem terre Saulfelde uocate in Comitatu de Barana inter terram ipsius Magistri Corrardi prope Sanctam Trinitatem ordine judiciario conuenisset Regio in conspectu, partibusque alterquantibus tandem et per modum judiciarium, quamquam per modum arbitrij, de uoluntate et permissione Judicis Curie domini Registoram ipso per Magistros Andream et Jacobum, filios Jacou, et Comitem Thomam filium Andree, Barones Regni, eciam coram Capitulo Budensi publice facti, predictus Magister Corraldus se quintodecimo in octauis Ascensionis Domini prestare deberet sacramentum coram nobis super facto et super ratificacione quarundem litterarum domini Bele Regis; ipso autem die sacramenti adueniente idem Magister Corraldus cum suis testibus in nostram presenciam accedendo paratus erat ad iurandum. Sed mediantibus probis uiris, et specialiter ad peticionem cognati sui nobilis iuuenis Magistri Jule filij Comitis Nicolai de genere Magni Jula, prenominatis vero pueris humiliter suplicantibus et remittentibus publice huiusmodi iuramentum eiusdem Magistri Corraldi, ipse Magister Corraldus personaliter in presenciarum comparendo cessit et renunciauit omni liti sue et accioni, quam forte nunc vel inposterum super facto huius terre Saulfelde uocate aduersus eosdem filios Andree et filios Stephani prenotatos mouere potuisset, permittendo ipsam terram Saulfelde uocatam eisdem Marcello et Laurencio filijs Andree, Nicolao et Jacobo filijs Stephani, eorumque heredibus heredumque suorum successoribus et posteris irretractabiliter et irreuocabiliter iure perpetuo possidendam, tenendam et habendam eodem pleno iure, quo bone memorie Magister Mour frater carnalis ipsius Magistri Corraldi dignoscitur predictis Marcello et Andree filijs Fabiani pro eorum seruicijs fidelibus ab olim contulisse, dedisse et tradidesse, sicuti in altero priori priuilegio nostro antiquitus exinde confecto plenius continetur. Siquidem utraque pars omnes et omnimodas litteras suas in processu huiusmodi causarum suarum contra inuicem confectas usque modo reddidit ad cassandum coram nobis; si quas vero detinerent, uigore careant firmitatis, et sint nociue cuilibet parcium contra partem aduersam exibenti, et tanquam calumpniatrix habeatur. Datum in uigilia Pentecostes anno Domini millesimo CCş nonagesimo octauo.
(Eredetie bőrhártyán, melyen a hátul oda nyomott pecsétnek töredéke még megvan.)