Conuentus Cruciferorum Domus Hospitalis Sancti Regis Stephani de Strigonio vniuersis presentes litteras inspecturis salutem in Domino sempiternam. Ad vniuersorum noticiam tam presencium quam futurorum harum serie wolumus peruenire, quod discretus vir Magister Wrkundinus Prepositus Sancti Thome martiris de Strigonio, Comes Andreas de Ayka vice et nomine wenerabilis patris domini Lodomerij Archiepiscopi Sancte Strigoniensis Ecclesie, Domini eorundem, ab una parte; nobilis vir Comes Erney filius Mocha de Zegy ex altera ad nostram accedentes presenciam tale concambium et transmutacionem super quibusdam possessionibus Nyarhyd et Swran uulgariter nuncupatis, ipsum dominum Lodomerium Archiepiscopum Strigoniensem, et prefatus Comes Erney pro se dixerunt inter se fecisse: quod predictus Comes Erney filius Mocha ipsam possessionem suam Nyarhyd uocatam, inter Nyarhyd et villam Kezu sitam, cum omnibus utilitatibus, reditibus, prouentibus et pertinencijs suis, uidelicet fenetis, pascuis, pratis, pratis, terris arabilibus cultis et incultis, et vninersis juribus, sub eisdem metis et terminis, quibus idem Comes Erney a religioso viro fratre Dominico, Abbate Monasterij Sancti Ypolity de Zobor et suo Conuentu pro concambio cuiusdem possessionis sue Kurth nuncupate receperat, dedit tradidit et contulit eidem domino Lodomerio Archiepiscopo Strigoniensi, et ex consequenti Archiepiscopatui perpetuo et irreuocabiliter possidendam et habendam. E conuerso autem idem wenerabilis pater pater dominus Lodomerius Archiepiscopus Strigoniensis pro transmutacione et concambio ipsius possessionis Nyarhyd dicte dedit et tradidit diciam possessionem Swran uocatam cum omnibus suis vtilitatibus, prouentibus et pertinencijs vniuersis, ex permissione Johannis filij Petri de Zegy, qui per hominem nostrum requisitus de concambio ipsius possessionis Swran vocate consensum prebuisset et assensum, contulit eidem Comiti Erney, et per eum suis posteritatibus iure perpetuo possidendam et habendam. Mete cuius quidem possessionis Swran uocate incipiunt ante domum Comitis Pauli de Zeg de superiori parte molendini ipsius Pauli ab oriente, in litore intra est meta; et uadit in uia erbosa ad occidentem, ubi prope villam in eadem via est meta; inde in eadem via uadit superius, et iuxta eandem habet metam in praticulo, et ibi intrat terram arabilem, in qua habet metam; post hec exit ad magnam viam que de castro Nytriensi ducit ad Nyarhyd, et iuxta eandem viam est meta; inde transeundo magnam viam uadit superius in terra arabili, et sunt multe mete in longitudine inter terras; inde intrat campum, et uenit usque metam Cheke, sed incipiendo a fluuio Nytra usque ad metam Cheke separatur terra Comitis Pauli a terris Swran, ibique in campo declinat uersus septemtrionem, et uadit in monticulo berch uocato ueniens ad metam angularem, que separat terram Swran a terra Cheuz; et iterum procedit uersus orientem in campo, et sunt in campo quinque mete ita longe ab inuicem, quod una ad aliam uix uideri potest; postera intrat terram arabilem, in qua sunt quinque mete distincte ab inuicem, quod de una ad aliam uidetur iuxta terram Feuldkuz, que nunquam aratur; inde iterum iuxta magnam uiam est meta, et transeundo magnam viam vadit inferius in terra arbili in via erbosa iuxta uillam Cheuz uocatam, et usque ad villam sunt septem mete; postea declinat quasi ad orientem, et usque ad fluuium Nitra sunt tres mete; et inde uadit ad paruulum nemus Rakatias dictum, et in litore circa dumum Rakatia, in quo eciam dumo est spina, que ebfa dicitur, et intrat in fluuium Nitria, et dimidia pars ipsius fluuij cedit in ius Monasterij de Chyth, et ultra ipsum fluuium est molendinum filiorum Hunth, cuius dimidia pars propter dimidiam partem aque cedit in ius Monasterij. Vnde ex hoc sciendum est, quod ubicunque terre dicti Monasterij ueniunt ad fluuium Nitra, in omnibus locis dimidia pars aque cedit Monasterio memorato, sicut in priuilegio domini Bele Regis felicis recordacionis metas predictas ipsius terre Swran uidimus contineri. Nec hoc pretermittimus, quod partes aduerse uicissim in ipsis possessionibus in concambium et trausmutacionem datis et factis se conseruare tenebuntur, et ab omnibus inpeditoribus expedire suis laboribus et expensis. In cuius rei memoriam et perpetuam firmitatem ad peticionem et instanciam parcium predictarum presentes concessimus sigilli nostri munimine roboratas. Datum anno Domini MşCCş nonagesimo septimo, tercio nonas Septembris.
A B C
(Eredetie bőrhártyán; melyről a pecsét vörös selyemzsinóron függ; a budai kir. kamarai levéltárban. Sok lényeges hibával kiadva Fejérnél Cod. Dipl. VI. köt. 2. r. 114. l.)