Uniuersis Christi fidelibus presens scriptum inspecturis Capitulum Ecclesie de Kew salutem in omnium saluatore. Ad vniuersorum noticiam tenore presencium volumus peruenire, quod Magister Jacobus filius Comitis Marci de Iregh coram nobis constitutus quasdam possessiones suas Harsanker et Zenuk vocatas, quas predictus Comes Mark pater suus pro morte Dominici Greci fratris sui ex donacione domini Stephani illustris Regis Hungarie tunc Ducis Transiluani felicis recordacionis possederat, sicut id vberius in eiusdem prinilegio exinde confecto vidimus contineri, domine sorori sue, uxori videlicet Theodori filij Nester, per eam suis heredibus heredumque ipsius successoribus dedit et donauit iure perpetuo et irreuocabiliter possidendas. Comes eciam Steplianus filius Johannis de eadem Iregh astans personaliter cum Dionisio filio suo coram nobis huic donacioni per eundem Magistrum Jacobum facte consensum prebuit et assensum. In cuius rei testimonium presentes concessimus sigillo nostro roboratas et alphabetho intercisas, anno Domini millesimo CCş nonagesimo septimo. Magistris Luca Preposito, Petro Lectore, Valentino Cantore, Gabriele Custode, ceterisque fratribus in Eccletia Dei existentibus.

(A kő-i káptalannak 1424. »in festo Assumpcionis Virginis Gloriose« »Benedictus dictus Erdős de Dienesfalwa« kérésére kiadott átiratából; melynek hitelesített másolata őriztetik a budai kir. kamarai levéltárban.)