Vniuersis Christi fidelibus presens scriptum inspecturis Iwanka miseracione Diuina Prepositus Monasterij Beate Virginis de Thuroch et totus Conuentus loci eiusdem salutem in Domino sempiternam. Quum vt queuis disposicio gesta sub tempore in ratitudine habeat, scripturarum testimonijs consueuerunt solidari: proinde ad vniuersorum tam presencium quam futurorum noticiam harum serie volumus peruenire quod Ipoth filius Bachlor, et Leustachius filius Aladarij de Lyptow ad nostram personaliter accedentes presenciam exhibuerunt nobis quasdam litteras priuilegiales domini Ladizlai olim Illustris Regis Hungarie, super possessione ipsorum Lybule vocata confectas et habitas, petentes a nobis humiliter et deuote, vt easdem de verbo ad verbum ob maiorem certitudinem et stabilitatem seu rei euidenciam sub testimonio nostri sigilli rescribi faceremus, specialiter pro eo, vt si ipsum priuilegium temporis in processu quoquo modo perdi contingerit, donacio Regalis et collacio nequeat per quempiam in irritum reuocari. Cuius quidem priuilegij tenor talis est:

Ladizlaus D. gr. Hungarie stb. Rex stb. (következik IV. László királynak 1285-ki adománya, mint fentebb 371. szám alatt.)

Nos itaque iustis et dignis peticionibus predictorum Ipoth et Leustachij fauorabiliter inclinati predictas litteras priuilegiales non cancellatas, non abrasa, nec in aliqua sui parte viciatus, de verbo ad verbum presentibus insertas ad maiorem rei euidenciam conscribi faciendo sigillo nostro authentico duximus consiguandas. Datum in octauis Pentecostes anno Domini MşCCş nonagesimo sexto.

(Hiteles másolata a budai kir. kamarai levéltárban.)