Nos Capitulam Budensis Ecclesie memorie commendantes significamus vniuersis presencium per tenorem, quod Comes Petrus filius Tyburchij in nostri presencia personaliter constitutus asseruit proponendo spontanea uoluntate, quod cum ipse et Thomas frater suus filius Comitis Tyburchij fratris sui tanquam actores super destruccionibus possessionum eorum et alijs articulis satis arduis in presencia Comitis Martini Viceiudicis Curie domini Regis contra Comitem Dominicum de Turny dictum de Vysegrad causam habuissent, et ipsam causam eo quod ardua fuerit, ad Specialem Presenciam domini Andree illustris Regis Vngarie domini nostri deduxissent, et contra eundem Comitem Dominicum ipsi facta accione secundum formam judicij mediantibus instrumentis et litteris quam pluribus, videlicet domini Ladizlai quondam Regis Vngarie pie recordacionis, et Viceiudicum eiusdem diuersorum in Presencia eiusdem domini Andree Regis, presentibus eciam venerabilibus patribus domino Johanne Archiepiscopo Colocensi, domino Benedicto Episcopo Waradiensi, Dominico Magistro Tauarnicorum eiusdem domini Regis, Magistro Demetrio Comite de Zolum, Magistro Johanne filio Chaak, Magistro Moys filio Alberty Baronibus, et alijs Nobilibus Regni quam pluribus, qui predicto Judicio Regio interfuerunt, per ipsum Comitem Dominicum in forma Judicij exhibitis, contra ipsos in nota calumpnie legittime conuicti fuissent, pro eo quia ipsam causam in facto destruccionis possessionum eorum tempore ipsius domini Regis Ladizlai et Viceiudicum eiusdem ordine judiciario requisitam et sopitam suscitassent. Et quia idem Thomas frater suus tamquam conscius sui criminis a Regia Presencia recessisset fugitiue, ipsumque Comitem Petrum, prout ipse idem affirmabat, pro huiusmodi notorio calumpnie vicio dominus Rex eidem Comiti Martino tamquam Judici ad assandum cum ferro candenti in sua facie, quemadmodum in huiusmodi calumpnie vicio conuicti iuxta Regni consuetudinem approbatam signari debent, captum tradidisset; pro qua quidem assacionis nota idem Comes Petrus, ne huiusmodi turpitudinem in facie eius in suum opprobrium sempiternum supportaret, quandam possessionem suam non coactus, nec compulsus, Vdol vocatam, in Comitatu Borsiensi iuxta fluuium Goron, cum insula que est in ipsis aquis Goron, et alijs vtilitatibus ac pertinencijs eiusdem vniuersis, sub eisdem metis et terminis, sub quibus per eundem Comitem Petrum habita fuisse dinoscitur et possessa, pro ducentis et quinquaginta marcis argenti Budensis, in quibus idem Comes Martinus ipsum Comitem Petrum in porcione sua prout judicis pro facto suo premisso misericorditer relaxauit vsque octauas Beati Georgij martiris proxime venturas eidem Comiti Martino pignori obligauit tali modo: quod si in ipsis octauis dictas ducentas et quinquadinta marcas pro redempcione debite possessionis Vdol, quam ad se ipsum solum, exceptis alijs propinquioribus et generacionibus suis dicebat pertinere, in argento mercimoniali ad racionem Budensem eidem Comiti Martino soluere non posset coram nobis; extunc eadem possessio Vdol cum omnibus vtilitatibus suis ipsi Comiti Martino deuolueretur perempniter possidenda. Voluit eciam idem Comes Petrus, quod si in ipsis octauis ipsam solucionem ducentarum et quinquagintarum marcarum facere non posset, super perpetuacione dicte possessionis Vdol sepedicto Comiti Martino, contradiccione quorumlibet non obstante, priuilegium nostrum, nullo alio consensu super hoc requisito, dari faceremus. Dixit eciam idem Comes Petrus, vt terminum ipsius solucionis pro eo, quia idem Comes Martinus tam grande factum sibi in tam modico misericorditer relagauit; nec cum litteris domini Regis, nec domine Regine, nec racione exercitus, sen alijs racionibus aliquibus faceret prorogari. Datum quarto die octauarum Pasce domini, anno eiusdem MşCCş nonagesimo sexto.
(Eredetie bőrhártyán, a pecsét elveszett; a főmélt. herczeg Eszterházy család levéltárában.)