Nos Capitulum Quinqueecclesiensis Ecclesie memorie commendamus, quod Magister Corrardus filius Stephani de genere Jeur pro se et pro Jacobo filio suo ab una parte; Dionisius filius Leunardi de Nemptby pro se et pro fratre suo carnali, item pro Petro et fratribus eiusdem filijs Comitis Dominici fratris sui carnalis, item pro filijs Johannis eciam fratris sui carnalis ab altera, personaliter in nostri presencia constitutus, super omnibus et omnimodis destruccionibus, combustionibus, dampnis quibuslibet, uulneribus siue plagis, iniurijs ac super iniuriosis faccionibus quibuslibet, et super discordiarum hinc et inde subortis et illatis, et specialiter super facto mortis Vrbanus seruientis eorundem filiorum Leunardi; quem Sebastianus filius Jacobi interfecit, ut est dictum per partes, secundum modum uel ordinem Judiciorum, et secundum arbitrium virorum nobilium comprouincialium, sibi inuicem mutuo satis facientes, perpetuam pacem se habere sunt confessi oraculo viue uocis, et quod neutraque parcium alteram partem super preteritis dampnis quibuslibet, uel iniurijs, et speciatiter super facto mortis Vrbanus alteram partem poterit in posterum molestare. Nichilominus predictus Magister Corrardus pro morte prefata predicti Vrbanus, racione scilicet eiusdem Sebastiani, pro quo Sebastiano ipse Magister Corrardus extiterat fideiussor, persoluit vndecim marcas; item pro dampnis eorundem filiorum Leunardi per eundem Sebastianum irrogatis eisdem persoluit quinque marcas et dimidiam; item ipse Magister Corrardus racione judiciorum pro eodem Sebastiano persoluit duas marcas. Quarum omnium marcarum predictarum sumpma facit decem et octo mareas et dimidiam. Quam pecuniam totam eodem Magistro Corrardo persoluente Dionisio et Stephano filijs Leunardi, item filijs Comitis Dominici et filijs Johannis, filiorum videlicet Leunardi supradicti; ex quibus et pro quibus predictus Dionisius filius Leunardi persoualiter comparendo recepit pecuniam totam supradictam; cuius quidem pecunie sumpna, et modus solucionis, litteris Ducisse torius Sclauonie plenius continetur. Preterea predictus Magister Corrardus ibidem inpresenciarum astando nomine sui, ac nomine et vice Comitis Jacobi filij sui, cessit et renunciauit omni accioni sue quam forte nunc uel in posterum super facto terre Beangh aduersus eosdem filios Leonardi de Nempthy mouere potuisset. Datum in octauis Sancti Nicolai confessoris anno Domini millesimo CCş nonagesimo quinto.
Kívűl: Pro Magistro Corrardo et filio suo Comite Jacobo contra Dionisium et Stephanum filios Leunardi, et filios Dominici, et filios Johannis super composicione pacis inter ipsos.
(Eredetie bőrhártyán, a zárpecsét elveszett; a mélt. báró Révay család levéltárában.)