452. A pécsi káptalannak bizonyságlevele, hogy Egyed mester Tamás bán nemzetségéből testvére Péter erdélyi püspök beleegyezésével Bew nemzetségbeli Mihály mester erdélyfehérvári prépost és Péter székely ispán érdekében javairól intézkedett. 1294.

Nicolaus Prepositus et Capitulum Quinqueecclesiensis Ecclesie omnibus presens seriptum cernentibus salutem in Domino. Ad vniuersorum noticiam harum serie volumus peruenire, quod cum ad iustam peticionem Magistri Egidij, filij Magistri Gregorij de genere Thome Bani, Georgium sacerdotem, prebendarium et capellanum domini Prepositi Ecclesie nostre transmisissemus ad eundem, vt coram eo profiteretur seu confiteretur ordinacionem et donacionem per ipsum factam vel faciendam suis cognatis, sicuti exprimetur; idemque homo noster ad nos rediens nobis retulit viua uoce, quod predictus Magister Egidius filius Magistri Gregorij coram venerabili patre domino Petro Episcopo Transiluano fratre suo, et coram ipso homine nostro, et coram multis alijs, scilicet sacerdotibus, clericis, laicis, virisque nobilibus comprouiucialibus, et ceteris inferioris gradus hominibus ad hoc ibidem conuocatis publice proponens, fuit confessus oracnlo viue uocis, quod licet discretus uir Magister Mychael Prepositus Ecelesie Sancti Michaelis de Partibus Transiluanis, et Magister Petrus Comes Siculorum, filij videlicet Comitis Stephani filij Ders de genere Bew in linea consanguiuitatis proxima sibi attinereut, et in secundo gradu collaterali solum distet ab eisdem; siquidem Magistro Gregorio fratre suo carnali viam vniuerse tarnis ingresso, per cuius mortem solacio proprie fraternitatis orbatus est et priuatus, eosdem Magistrum Michaelem Prepositum, et Comitem Petrum fratrem suum, ex proprio amoris zelo, et ex intime dileccionis affectu in fratres suos suscepit et recepit adoptiuos, et ut indissolubilis fraternitatis opem et operam, obsequium et auxilium, tutamen et iuuamen ab eisdem tanquam fratribus suis carnalibus in uita sua et in euum in omnibus negocijs, et in quibuslibet suis agendis consequi valeat et habere semper et ubique; pro eo de possessione sua Ogona vocata istas tettas suas seu possessiones, a uulgo terrestri Vyznyacatus dictas, csilicet Gaay, Odroha et Dornolch vocatas, vicinantes et continue adiacentes et situatas, cum montibus, siluis, molendinis, fenilibus et fenetis, vineis et uinetis, et cum ceteris omnibus vtilitatibus suis et pertinencijs quibuslibet ac circumstancijs vniuersis, certis metis et terminis vndique circumdatas et vallatas, dedit, contulit et tradidit prenominatis fratribus suis Magistro Mychaeli Preposito, et Comiti Petro fratri suo, filijs Comitis Stephani, sibi et per eos suis heredibus et successoribus irretractabiliter et irreuocabiliter iure perpetuo possidendas, tenendas pariter et habendas, nichilominus ipso Magistro Michaele Preposito decedente porcio eiusdem in prefatis terris et possessionibus absque vlla difficultate et contradiccione cuiuslibet uel quorumlibet non obstante, eidem Comiti Petro fratri suo carnali suisque heredibus et posteritatibus in perpetuum remaneat atque cedat, nec aliter quouis modo ipse Magister Michael Prepositus, si uellet; quod absit, legare valeat, uel eciam ordinare; quin prefate possessiones cum omnibus suis vtilitatibus taliter et omnino Comiti Petro filio Stephani, suis heredibus et posteris remaneant perpetuo atque cedant possidende. Ad hec si idem Comes Petrus heredum solacio decederet destitutus, eciam prenominate possessiones Gaay, Odroha, et Dornolch vocate eiusdem Comitis Petri heredibus et posteritatibus, qui de generacione sua in paternis bonis eidem succedere deberent secundum Regni consuetudinem, irretractabiliter et irrefragabiliter, inmutabiliterque cedant et debeant remanere iure perpetuo possidende, tenende et habende eodem pleno et plenissimo iure, quo easdem possessiones predicti Magister Michael Prepositus et Comes Petrus filij Comitis Stephani habuerunt, detinuerunt et possederunt. Hoc non pretermisso, quod iuxta premissas tettas et possessiones Gaay, Odroha, et Dornolch uocatas, sicut premittitur, metis circumdatas et uallatas, adiacent terre Magistri Egidij supradicti filij Magistri Gregorij, et terre Episcopatus Zagrabiensis; item a parte orieutali adiacent terre Zegue Bani et Iuan Bani; item a parte meridionali et occidentali adiacent montes seu alpes Posogahouosa dicte. Hoc tamen declarato, quod sepedictus Magister Egidius filius Magistri Gregarij cum venerabili patre domino Petro Episcopo Transiluano, et cum eisdem Magistro Mychaele Preposito et Comite Petro, et vniuersis nobilibus comprouincialibus ad hoc vocatis et ibidem presentibus super faciem predictarum terrarum uel possessionum personaliter accedendo, easdem terras et possessiones Gaay, Odroha et Dornolch uocatas, metis siue signis seu terminis circumdatas, ut est prelibatum, coram homine nostro supradicto tradidit et statuit ipsi Magistro Mychaeli Preposito, et Comiti Petro filijs Comitis Stephani, cognatis et fratribus suis, sicut premittitur, in perpetuum possidendas et habendas, ipsosque filios Comitis Stephani in corporalem possessionem supradictarum terrarum et possessionum introducendo et intromittendo deinceps in perpetuum. Igitur venerabilis pater dominus Petrus Episcopus Transiluanus, frater eorundem, personaliter comparendo huiusmodi donacioni et collacioni palam dedit et publice attribuit consensum beniuolum et assensum liberalem. In cuius rei memoriam presentes litteras nostro sigillo concessimus roboratas. Actum anno Domini millesimo CCş nonagesimo quarto, mense Decembri. Stephano Cantore, Nicolao Custode, Mathya Decano, ceterisque pluribus ibidem existentibus. Datum per manus Magistri Galli Lectoris Quinqueecclesiensis.

(Eredetie bőrhártyán, a zöld selyemzsinóron függöt pecsét elveszett; a budai kir. kamarai levéltárnak Zágrábban lévő részében.)