449. A pécsi káptalannak bizonyságlevele, hogy László comesnek fiai Barazda helység elfoglalásától eltiltották Thechun nemzetségbeli Péter bán fiait. 1294.

Nos Capitulum Ecclesie Quinqueecclesiensis memorie commendamus per presentes, quod cum Magister Laurencius Tuz dictus, et frater eiusdem videlicet Nicolaus, filij Petri Bani de genere Thechun super quibusdam negocijs seu factis inter Magistrum Johannem filium Comitis Ladizlay et ipsos habitis, litteras nostras composicionales emanari fecisset tandem Magistri Philphus (et) Demetrius filij Comitis Ladizlay filij Cleti coram nobis personaliter constituti, et per eosdem propositum extitit vniformiter pariter et relatum in hunc modum; quod licet inter predictos, videlicet Johannem filium Comitis Ladizlay, fratrem ipsorum, et Laurencium (ac) Nicolaum filios Petri Bani, mediantibus litteris nostris super premissis negocijs modo dicto composicio facta extitisset, sed tamen quemlibet ipsorum a possessione Barazda vocata, que videlicet Barazda separat possessiones Kas et Azynagh, ab intromissione, occupacione, vtilitatum percepcione idem Magistri Philphua (et) Demetrius facie ad faciem prohibuerunt, et prohibendo contradixerunt. Datum in vigilia Natiuitatis Beati Johannis Baptiste anno Domini millesimo CCş nonagesimo quarto.

Kivűl: Prohibicio et protestacio per Magistrum Philphus et Demetrium facta contra nobiles de Azynagh et alios intrascriptos.

(Eredetie - bőrhártyán, a pecsét elveszett; a budai kir. kamarai levéltárban.)