418. III. Endre király megerősíti IV. Béla királynak a pesti vár vásár-jövedelmeit tárgyazó privilegiumát a nyúlszigeti apáczazárda számára. 1291.

Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentem paginam inspecturis salutem in eo, qui est uera salus. Ad uniuersorum noticiam tenore presencium uolumus peruenire, quod uir religiosus frater Wgrinus Prior de Ordine Fratrum Predictorum de Insula Beate Virginis, nomine et vice sororum sanctimonialium de eadem Insula ad nostram accedens presenciam, exhibuit nobis priuilegium domini Regis Bele aui nostri karissimi inclite recordacionis confectum super tributo fori de Castro Pestensi (igy), verbo earundem dominarum nobilium sororum petens cum instancia, vt ipsum priuilegium approbare, ratificare, et nostro dignaremur de benignitate Regia priuilegio confirmare. Cuius quidem priuilegij tenor talis est:

(B)ela Dei gracia Hungarie stb. Rex stb. (következik IV. Béla királynak 1255-ki privilegiuma, mint Fejérnél Cod. Dipl. IV. köt. 2. r. 320. és 455. ll.)

Nos itaque, qui ex officio suscepti regiminis vnumquemque in suis iuribus tenemur conseruare, considerantesque peticionem fratris Wgrini Prioris predicti fore legitimam atque iustam, maxime cum collaciones Ecclesijs rite et legitime factas nolimus retractare, ymo donaciones Regis Bele aui nostri karissimi super dicto tributo fori Castri Pestensis sororibus de Insula Virginis Gloriose iugiter Deo famulantibus concessas, uelimus inuiolabiliter obseruare; attendentesque ipsum priuilegium Regis Bele non abrasum, non cancellatum, non abholitum, non uiciatum in carta, uel in filio, tenorem eiusdem de uerbo ad uerbum presentibus inseri facientes, actoritate (így) presencium confirmamus et confirmando innouamus, dupplicis sigilli nostri munimine roborando. Statuentes, ut da cetero eedem sorores de Insula Virginis Gloriose ipsum tributum fori cum suis pertinencije, prout per dictum (igy »dominum« helyett) Belam inclitum Regem Hungarie est collatum, perpetuo et pacifice possidere valeant et habere; cassantes, irritantes, irrita ac inania habentes omnia priuilegia, munimenta et litteras, si que (per) ciues Budenses racione nundinarum circa festum Natiuitatis Virginis Gloriose celebrandarum, uel alia quacumqua racione, quocumque modo aut ingenio inpetrata fueruet et obtenta. Non obstantibus eciam litteris Conuentus Sororum, et Prouincialis Prioris Fratrum Predicatorum, ciuibus Budensibus causa coaccionis siue metus concessarum; cum omnes litteras inpacato tempore domini Ladizlai Regis causa metus emanatas, in Generali Congregacione nostra, ex consensu et consilio Archiepiscoporum, Episcoporum, Baronum et vniuersorum Nobilium Regni nostri, qui congregacioni nostre presentes adherant, ordinauerimus et statuerimus, nullius fore firmitatis. Ordinantes et statuentes, ut quandocumque et per quemcumque littere, priuilegia et queuis instrumenta quorumcumque in contrarium uenerint uel exhibita fuerint, uiribus careant, reuocentur in irritum, et nullius penitus sint uigoris; ipsis ciuibus Budensibus, et alijs omnibus de cetero super facto dicto tributi silencium perpetuum inponentes. In cuius rei memoriam perpetuamque firmitatem presentes concessimus litteras dupplicis sigilli nostri munimine roboratas. Datum per manus discreti viri Magistri Theodori Albensis Ecclesie Prepositi, aule nostre ViceCancellarij, dilecti et fidelis nostri, anno Domino MşCCş nonagesimo primo, vndecimo kalendas Octobris, Regni autem nostri anno secundo.

(Eredetie bőrhártyán, a királynak sárga-vörös selyemzsinóron függő pecsétje alatt; a budai kir. kamarai levéltárban.)