Andreas Dei gracia Hungarie Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus tam presentibus quam futuris presentes litteras inspecturis salutem in omnium saluatore. Ad vniuersorum tam presencium quam futurorum noticiam harum serie volumus peruenire, quod nos consideratis fidelitatibus et seruiciorum meritis Magistri Bychov filij Siluestri de Owar fidelis nostri, que per singula suo modo longum esset enarrare; quedam tamen ad erudicionem aliorum et memoriam futurorum presentibus duximus annotanda. Primum siquidem, quod cum Othokarus Rex Boemorum confinia Regni Hungarie occupasset, idem Magister Bichov pro tuicione confinij Regni Hungarie et fidelitate Corone Regie debita uiriliter dimicando cum Teothonicis in campestri prelio extitisset captiuatus. Preterea cum Albertus Dux Austrie, persecutor Regni nostri, admoto suo exercitu et tota potencia undique acquisita et conducta adijsset confinia Regni nostri, idem Magister Bychov se et sua fortune casibus submittere non formidans, pro fidelitate Corone Regie debita obseruanda contra totam potenciam dicti Ducis castrum suum Owar vocatum diebus quam plurimis non sine suo (igy) effusione sanguinis et suorum conseruauit; et licet uiriliter resistendo, mortis euentum non formidans, potencie predicti Ducis se opposuisset, tamen per diuturnam obsessionem ipsius Ducis resistere non valens, cum non habuisset subsidium aliquale, recepto eodem castro extitisset cum multis cognatis suis et seruientibus per eundem Dncem captiuatus, et in eiusdem captiuitate tamdiu detentus, donec omnibus suis possessionibus venditis et inpignoratis redemptus extitisset; in eodem eciam castro Dominicus frater sororius ipsius Magistri Bychov fuisset interemptus; prout ez ueridica relacione Johannis Magistri Tauarnicorum nostrorum Comitis Suproniensis, et Nieolai Palatini Comitis Symigiensis, dilectorum et fidelium nostrorum, et aliorum nobilium Regni nostri constitit manifeste. Ceterum succedentibus Nobis Diuino munere in Regni solium et gubernaculum iure et ordine geniture, cum exercitum nostrum contra Albertum Ducem Austrie pro iniuria Regno nostro per ipsum Ducem illata amouissemus; idem Magister Bychov uirtutem accumulans virtutibus, in expugnacione castri dicti Ducis Rorov vocati, quod labore nostrorum fidelium et bello optinuimus, duo seruientes ipsius sub eodem castro extiterunt interempti. In recompensacionem seruiciorum ipsius Magistri Bichov domino Stephano et Ladizlao Regibus Hungarie, predecessoribus nostris felicium recordacionum, et Regno primitus, et demum nobis, vt premisimus, impensorum, et aliorum quam plurimorum bellis intrinsecis et extrinsecis exhibitorum, licet parua pro magnis, modicum pro maximis facere videamur; quandam villam Castri Ferrei Zoruuskend vocatam iuxta fluuium Raba existentem, cum omnibus vtilitatibus et pertinencijs suis vniuersis, per dominum Regem Stephanum ob merita seruiciorum suorum eidem collatam, et vsque ad hec tempora possessam, eidem Magistro Bichov, et per eum suis heredibus, heredumque suorum successoribus reliquimus, dedimus et contulimus iure perpetuo possidendam et habendum, sub eisdem metis et terminis antiquis, quibus eadem villa Zorwoskend primitus babita dinoscitur et possessa. Non obstante eo, quod priuilegium domini Stephani Regis super collacione priore ville Zorwoskend in occupacione castri ipsius Magistri Bychov, vt premissum est, sit receptum et amissum; cum de emissione priuilegiorum suorum per Capitulum Castri Ferrei Baronibus et Nobilibus Regni nostri constiterit manifeste. In cuius rei memoriam perpetuamque firmitatem presentes concessimus sigilli nostri munimine roboratas. Datum per manus discreti viri Magistri Theodori Albensis Ecclesie Prepositi, Aule nostre ViceCancellarij dilecti et fidelis nostri, anno Domini Mş ducentesimo nonagesimo primo,
(Eredetie bőrhártyán, melynek vörös-kék selyemzsinóron függőtt pecsétje elveszett; a főmélt. herczeg Batthyáni család levéltárában.)