A B C D E F

Capitulum Colocensis Ecclesie omnibus Christi fidelibus presentem paginam inspecturis salutem in Domino. Ad vniuersorum noticiam harum serie uolumus peruenire, quod Nicholaus et Gregorius filij Marini de Superiori Regnek coram discretis viris dilectis fratribus nostris, uidelicet Elya Archidiacono, Vincencio Presbitero Vice Archidiacono, Martino et Gregorio Magistris, presentibus quam plurimis iobagionibus eiusdem uille, nec non Johanne Uillico personaliter constituti, retulerunt oraculo uiue uocis, quod Leonardus quondam Uillicus filius Jacobi de possessione paterna relicta ab ipso Marino, que quondam ex donacione Jacobi patris Leonardi accesserat Marino memorato, satisfecit plene per omnia restituendo, et hoc tam in vineis, quam in terris arabilibus et fundo curie, et tribus domibus ibidem hedificatis. Preterea super lesione pedis Gregori, quam in captiuitate Leonardi positus per yemis asperitatem iucurrit, sibi duabus marcis minus fertone acceptis confessus est fuisse satisfactum. Vnde Nicholaus et Gregorius iam predicti assumpserunt coram predictis fratribus nostris, quod processu temporis super diuisione possessionum, et pedis lesione Gregori, nec ipsi nec posteri eorum contra Leonardum et fratrem suum filiorumue successores possint aliquam mouere questionem; et hanc diuisionem possessionum et seriem tocicius (így) ordinacionis prefate fratres nostri retulerunt coram nobis. Assumpserunt eciam Gregorius et Nicholaus, quod si quis contra Leonardum uel fratrem eius heredumue successores super diuisione possessionum uel lesione pedis Gregrori materiam questionis moueret, proprijs laboribus et expensis expedire. Insuper quod si amissio pecunie, super qua Nicholaus et Gregorius sepedicti in captiuitate Leonardi fuerant detenti, quia precipue contra ipsos suspicio oriebatur, in aliquam lucem prodiret ueritas, obligauerunt se omni iudicio et ulcioni subiacere. In cuius rei memoriam presentes concessimus litteras sigilli nostri autentici munimine roboratas. Datum anno Domini MşCCş octuagesimo nono. Nicholao Preposito, Lectoria uacante, Thoma Cantore, Elya Archidiacono Colocensi, Simone Budrugiensi, Johanne Custode, Gregorio Decano, ceterisque fratribus in Ecclesia Dei fideliter famulantibus et deuote.

(Eredetie bőrhártyán, a kenderszalagon függött pecsét elveszett; a mélt. báró Révay család levéltárában.)