390. Erzsébet királynénak Omersa helységet tárgyazó adománya János comes, Sydonak fia számára. 1288.

(E)lyzabeth Dei gracia Regina Vngarie vniuersis Christi fidelibus presens scriptum inspecturis salutem in omnium saluatore. Fidelitas et merita subiectorum ad ampliandam Regalem graciam in subditis Celsitudinem Regiam non inmerito attrahunt et inuitant, ut hoc exemplo fideles ad inquirende (igy) gracie cupiditatem multo forcius accendantur. Proinde ad vniuersorum noticiam tam presencium quam futurorum harum serie volumus peruenire, quod cum Comes Johannes filius Sydo fidelis noster domino Stephano Regi socero nostro karissimo inclite recordacionis, et domino Ladizlao illustri Regi Vngarie consorti nostro predilecto ac nobis demum, eximie fidelitatis opera, meritoria obsequia et fidelissimos famulatus in diuersis expedicionibus, articulis, et negocijs Regni; maxime et specialiter in conflictu, quem idem dominus noster Rex habebat contra perfidiam Cumanorum ipsum indebite persequencium, et sub castro Bacurku tunc, cum eundem expugnari fecissemus, ictus missilium et iactus lapidum non formidans, fortune casibus se submittendo, nobis et omnibus Baronibus no stris cernentibus wlnus letale in se recipiens, pro fidelitate Regie Corone debita landabiliter impendisset; in recompensacionem seruiciorum suorum et fidelitatum ac effusi cruoris, quandam terram nostram Reginalem Omersa vocatam in Comitatu Tolnensi existentem pecijt a nobis sibi dari: Verum quia dequalitate et quantitate eiusdem terre nobis ueritas ad plenum nen constabat, nec uellemus nostre donacionis titulos vacillare; ad pleniorum noticiam eiusdem terre perfeccius et uberius habendam fidelibus nostris Capitulo Albensi dedimus in mandatis. Qui nobis tocius terre qualitatem et quantitatem in suis rescrip serunt litteris in hec uerba:

Excellentisime domine sue E. Dei gracia illustri Regine Hungarie Albensis Ecclesie Capitulum stb. (következik a székesfehérvári káptalannak jelentése, mint alább 395. sz. a.)

Nos uero pro huiusmodi et alijs uirtutibus eiusdem Comitis Johannis, quas singillatim exprimere ad presens non ualemus, peticiones ipsius fauorabiliter admittere cupientes, dictam terram Omerse uocatam cum suis utilitatibus et pertinencijs vniuersis dedimus, donauimus et contulimus eidem, et per eum suis heredibus heredumque suorum successoribus perpetuo et irreuocabiliter possidendam. Vt igitur huius nostre donacionis seu collacionis series robur optineat perpetue firmitatis, nec processu temporum per quempiam ualeat et debeat in irritum retractari: presentes concessimus litteras duplici (így) sigilli nostri munimine roboratas. Datum per manus Magistri Ladizlai Prepositi Vaciensis Aule nostre fidedis Cancellarij anno Domini millesimo ducentesimo octua, gesimo octauo.

(Eredetie bőrhártyán, zöld-vörös selyemzsinóron függő pecsét alatt; a főmélt. herczeg Eszterházy család levéltárában.)